ЦХИНВАЛ, 18 мар — Sputnik. Цӕгат Ирыстоны Уӕлвӕткон уавӕрты министрад (УУМ) апарахат кодта штормон фӕдзӕхст зӕйтӕ ‘рцӕуыны тасы фӕдыл. Уагдоны пресс-службӕйы куыд банысан кодтой, афтӕмӕй зӕйтӕ ӕрцӕуыны тас уыдзӕн ӕввахс суткӕйы дӕргъы.
"Росгидрометы бӕрӕггӕнӕнтӕм гӕсгӕ, 19 марты изӕрмӕ республикӕйы хӕххон районты уыдзӕн зӕйтӕ ӕрцӕуыны тас", - банысан кодтой УУМ.
Амӕйразмӕ дыццӕджы тыхджын митуарды тыххӕй сӕхгӕдтой Транскавказаг автомагистраль.
Ирвӕзынгӕнджытӕ сидынц ма цӕуын балцыты цалынмӕ боныгъӕд фӕхуыздӕр уа, уӕдмӕ. Афтӕ ма уыдон банысан кодтой, горӕты ӕмӕ районты аварийон службӕтӕ цӕттӕ кӕй сты уӕлвӕткон цаутӕм.
