ХИПУ æссис Евразийаг университетты ассоциацийы уæнг

ХИПУ æссис Евразийаг университетты ассоциацийы уæнг
ХИПУ æссис Евразийаг университетты ассоциацийы уæнг - Sputnik Хуссар Ирыстон
Рафыссын
Евразиаг университетты ассоцицийы XIII уанелы ХИПУ ист æрцыд ассоциацийы уæнгæй.

ЦХИНВАЛ, 16 апр — Sputnik. Хуссар Ирыстоны паддзахадон университет (ХИПУ) ист æрцыдис Евразиаг университетты ассоциацимæ. ХИПУ-йы пресс-службæйы куыд фехъусын кодтой, афтæмæй ахæм уынаффæ рахастæуыд университетты ассоцицийы XIII уанелы, кæцы уагъд æрцыд Санк-Петербурджы паддзахадон экономикон университеты.

"Уанелы хайад райстой нæ университеты минæвæрттæ ректор Тедеты Вадимы сæргълæудæй. Мадзалы пленарон рабадты ассоциацийы президент Виктор Садовничий æрæмбырдуæвджытæн бакаст Хуссар Ирыстоны президент Тыбылты Леониды арфæйаг фыстæг. Фыстæджы нæ бæстæйы сæргълæууæг банысан кодта, зæгъгæ, Евразийаг университетты ассоциацийы фæрцы Республикæйы фæбæрзонддæр уыдзæн зонад æмæ ахуырады æмвæзад, студенттæн фæзындзысты бирæ ног уавæртæ.

Йæхи рады Тедеты Вадим республикæйы президенты номæй Виктор Садовничиййы схорзæхджын кодта Хæлардзинады орденæй", — загътой пресс-службæйы.

Евразийаг университетты ассоциаци (райдианы уал хуындис СССР университетты ассоциаци) арæзт æрцыд 1989 азы Мæскуыйы паддзахдон университеты инициативæмæ гæсгæ. Ацы уынаффæимæ сразы сты Советон Цæдисы 20 стырдæр уæлдæр ахуыргæнæндоны. 1992 азы ивд æрцыд Евразийаг университетты ассоциацимæ.

Ног хабӕртты лентӕ
0