ЦХИНВАЛ, 10 окт — Sputnik. Цхинвалы 24-аздзыд цӕрӕг бафтыдта арт кӕйдӕр машинӕйыл, цӕй фӕстӕ бафӕлвӕрдта йӕхи амарын, фехъусын кодтой Хуссар Ирыстоны МХМ-ы пресс-службӕйы.
Горӕты цӕрӕг фехста йӕ сӕр Калашниковы автоматӕй, фӕлӕ йын бантыст рӕстӕгыл рынчындонтмӕ фӕхӕццӕ кӕнын ӕмӕ йын медицинон ӕххуыс бакӕнын.
"22:30 сахатыл республикон рынчындонмӕ фӕхӕццӕ кодтой Цхинвалы 24 аздзыд цӕрӕджы сӕры цӕфимӕ", — загътой МХМ-ы пресс-службӕйы.
Тыхон уагдоны кусджытӕ бынаты куыд рабӕрӕг кодтой, афтӕмӕй горӕты цӕрӕг бафтыдта арт ӕндӕр ӕмбӕстаджы машинӕйыл, цӕй фӕстӕ бафӕлвӕрдта йӕхи амарын.
Зианбаййафӕджы хӕдзар басгӕрсты рӕстӕджы ссардӕуыд ӕмӕ байстӕуыд автомат АК-74.
