08:03 16 СУСÆНЫ МÆЙ
 2018
Комкоммӕ эфир
  • EUR72.47
  • USD62.29
Бибылты Анатолий

Бибылты Анатолий снысан кодта стипендитæ æртæ студентæн Санкт-Петербурджы

© Sputnik / Наталья Айриян
Хуссар Ирыстоны
Чысыл дӕнцӕг
20 0 0

Стипеди фыст цæудзæн фонд "Аланийы иудзинад"-ы фæрæзтæй, йæ бындурæвæрæг у Бибылты Анатолий, куыд сæрмагонд гоймаг

ЦХИНВАЛ, 27 апр — Sputnik. Хуссар Ирыстоны президент Бибылты Анатолий снысан кодта стипендитæ Римский-Корсаковы номыл Санкт-Петербурджы музыкалон ахуыргæнæндоны æртæ 17-аздзыд студентæн – Александр Миделаури, Цхуырбаты Анастасия æмæ Козаты Аннайæн, хъусын кæны РХИ-ы минæварады пресс-службæ Уæрæсейы.

Дипломатон уагдоны куыд банысан кодтой, афтæмæй ацы æрыгон адæм Уæрæсейы раззагондæр музыкалон ахуырадон уагдæттæй иуы ахуыр кæнынц 2015 азæй фæстæмæ Мариинаг театры аивадон къухдариуæггæнæг Гергиты Валерийы куырдиатмæ гæсгæ.

"Ахуыры райдианæй фæстæмæ, нæ студенттæ, ныййарджыты аудындзинадæй фæиппæрд сты æмæ цардуагон зындзинæдтæм æнæкæсгæйæ, æвдисынц иттæг хорз зонындзинæдтæ æмæ музыкалон ахуыргæнæндоны директор Кирилл Архиповы хъуыдымæ гæсгæ, ахуыры программæйы æххæст кæнынц æмбæлон æмвæзадыл, исынц иттæг хорз аттестацион нысæнттæ. Уый та у сывæллæтты курдиатыл дзурæг, уымæн æмæ ацы ахуыргæнæндоны ис бæрзонд домæнтæ зонындзинæдтæм", — радзырдтой минæварады.

Сывæллæттæ сты цыбыркъух бинонтæй æмæ сæ хъæуы уæлæмхас аудындзинад. Минæварады куыд загътой, афтæмæй ма сын сæ цард зынвадат кæны уыцы хъуыддаг, æмæ сæ ахуыргæнæндонмæ фæндагыл бахъæуы цыппар сахаты. Уымæй дарддæр ма, сывæллæттæ нæ исынц стипенди.

"Бибылты Анатолий, ахуыргæнинæгты зын уавæртæ базонгæйæ, сфæнд кодта уыдонæн æрвылмæйон стипендийæ баххуыс кæнын æмæ йæ цæст бауарзта æрыгон курдиæттæн, цæмæй æввахс фидæны хъахъхъæной Ирыстоны кад дунейы раззагондæр музыкалон фæзуæттыл", — банысан кодтой минæварады.

Уым ма банысан кодтой, стипенди фыст кæй цæудзæн фонд "Аланийы иудзинад"-ы фæрæзтæй, йæ бындурæвæрæг у Бибылты Анатолий, куыд сæрмагонд гоймаг.

Сӕйраг темӕтӕ