20:42 18 РУХÆНЫ МÆЙ 2018
Комкоммӕ эфир
  • EUR79.17
  • USD67.75
Джиоты Вероника ӕмӕ Бибылты Анатолий

Президент раарфӕ кодта Джиоты Вероникайӕн сгуыхт ном райсыны фӕдыл

© Facebook
Хуссар Ирыстоны
Чысыл дӕнцӕг
26 0 0

Цыппӕрӕмы Уӕрӕсейы Федерацийы президент Владимир Путин бафыста указ, цӕмӕй цхинвайлаг оперон зарӕггӕнӕг Джиоты Вероникайӕн радтой Уӕрӕсейы сгуыхт артисты ном

ЦХИНВАЛ, 1 июн — Sputnik. Хуссар Ирыстоны сгуыхт артист Джиоты Вероникайы диссаджы вокалон курдиат балхӕдта бирӕ адӕмы зӕрдӕтӕ ӕппӕт дунейы, загъта Хуссар Ирыстоны президент Бибылты Анатолий йӕ арфӕйы дунейон ӕмвӕзады оперон зарӕггӕнӕгӕн Уӕрӕсейы Федерацийы сгуыхт артисты ном райсыны цытӕн. Уый тыххӕй фехъусын кодта паддзахады сӕргълӕууӕджы пресс-службӕ.

Зындгонд оперон зарӕггӕнӕг ныридӕгӕн у Хуссар ӕмӕ Цӕгат Ирыстоны сгуыхт ӕмӕ адӕмон артист, афтӕ ма бирӕнымӕц уӕрӕсейаг ӕмӕ ӕхсӕнадӕмон конкурсты лауреат дӕр.

"Дӕ диссаджы вокалон курдиат балхӕдта бирӕ адӕмы зӕрдӕтӕ ӕппӕт дунейы. Мӕн уырны ӕмӕ дын дӕ иузӕрдыгдзинад кӕсджытӕм баххуыс кӕндзӕн бакӕнын нырма бирӕ рӕсугъд куыстытӕ ӕмӕ дӕ фӕндтӕ иууылдӕр сӕххӕст кӕнын", — дзырдӕуы арфӕйы.

Паддзахады сӕргълӕууӕджы зӕрдӕ бауарзта Джиоты Вероникайӕн ӕнӕниздзинад, сфӕлдыстадон уӕлахизтӕ ӕмӕ бирӕ энерги.

Сӕйраг темӕтӕ