14:44 25 ЗÆРДÆВÆРÆНЫ МÆЙ
 2020
Комкоммӕ эфир
  • EUR77.88
  • USD71.60
Хуссар Ирыстоны
Чысыл дӕнцӕг
15 0 0

Куыстуаты хицау радзырдта фыдызгъӕлы комбинаты нывӕзтты тыххӕй Хуссар Ирыстоны республикӕйы президентимӕ фембӕлды рӕстӕджы

ЦХИНВАЛ, 13 авг — Sputnik. Хуссар Ирыстоны президент Бибылты Анатолий ӕрдзырдта куыстуат "Растдон"-ы райрӕзты сӕйраг проблемӕтӕ ӕмӕ нывӕзттыл компани "Евродон"-ы генералон директор Уанеты Вадимимӕ, хъусын кӕны паддзахады сӕргълӕууӕджы пресс-службӕ.

Афтӕ ма Бибылты Анатолий банысан кодта, зӕгъгӕ, ахсджиаг у, цӕмӕй хомӕг ӕлхӕной бынӕттон фермертӕй ӕмӕ продукци уӕй кӕнынмӕ ӕрмӕст Уӕрӕсейы территоримӕ ма ласой, фӕлӕ ма ӕндӕр регионтӕм дӕр. Амӕйразмӕ "Россельхознадзор" ӕмӕ "Югоссельхознадзор"-ы ӕхсӕн бафыстӕуыд бадзырд, цӕмӕй ӕнцондӕр уа продукци ласын Уӕрӕсемӕ.

Уанеты Вадим бахахх кодта, йӕ балц баст кӕй у "Растдон"-ы продукци реализаци ӕмӕ кондады ауӕрӕх кӕныныл. Уыцы нысанӕн уый ӕрцыд Хуссар Ирыстонмӕ профессионалон дистрибьютеримӕ.

"Махӕн ис алы фадат дӕр, цӕмӕй нӕ кондад ауӕрӕх кӕнӕм. Мах нӕ ласӕм фыдызгъӕл, фӕлӕ ӕлхӕнӕм бынӕттон, махмӕ ис гъӕдджын ӕмӕ натуралон продукци. Махӕн ис маркетолог, уый дӕр ӕрцыд немӕ. Уый загъта бирӕ хъуыдытӕ, цӕмӕй нын уа традиционон, нӕртон этикеткӕ", — банысан кодта Уанеты Вадим.

Афтӕ ма куыстуаты генералон директор бахахх кодта, зӕгъгӕ сын ис проблемӕ, цӕмӕй лабораторон экспертизӕ рацӕуой ӕмӕ продукцийы гъӕды сертификат райсой.

"Мах ӕрвитӕм продукци Кӕсӕг-Балхъармӕ, цы ран уый цӕуы экспертизӕ фондз бон. Фондз бон натуралон продуктӕн у стыр ӕмгъуыд, мах сафӕм бирӕ рӕстӕг. Ӕмӕ цӕмӕй фӕкъаддӕр кӕнӕм уыцы рӕстӕг, уый тыххӕй нӕ фӕнды бакӕнын "Россельхознадзора"-ы филиал РЦИ-Аланийы территорийыл", — радзырдта "Евродон"-ы сӕргълӕууӕг.

Сӕйраг темӕтӕ