00:03 17 ДЖЕОРГУЫБАЙЫ МÆЙ
 2018
Комкоммӕ эфир
  • EUR74.90
  • USD65.99
Скъола №3

УУМ аскъуыддзаг кодта сӕхгӕнын Цхинвалы скъолатӕй иу

© Sputnik / Наталья Айриян
Хуссар Ирыстоны
Чысыл дӕнцӕг
21 0 0

Зынгирвӕзты ӕдасдзинады фӕдыл басгӕрсты рӕстӕджы цхинвайлаг скъолатӕй иу банымадтой ӕнӕбӕззоныл ахуырадон азы райдайӕнмӕ

ЦХИНВАЛ, 31 авг — Sputnik, Уалыты Диана. Цхинвалы ӕртыккаг астӕуккаг скъола гӕнӕн ис сӕхгӕной. Уый тыххӕй фехъусын кодтой Уӕлвӕткон уавӕрты министрады (УУМ) кусджытӕ пресс-конференцийы рӕстӕджы.

"Къамисы аргълӕвӕрдмӕ гӕсгӕ, кӕцыйы сконды уыдысты УУМ кусджытӕ, рахастой уынаффӕ, цӕмӕй сӕхгӕной ӕртыккаг скъола ӕмӕ ахуырдзауты ракӕной 12-ӕм скъоламӕ арӕзтады ӕмӕ зынгирвӕзты ӕдасдзинады нормӕтӕн дзуапп кӕй нӕ дӕтты, уый тыххӕй", — загъта уагдоны инспектор Куымӕридтаты Андрей.

Ныртӕккӕ басгӕрсты фӕстиуӕгӕн акттӕ бадӕттой республикӕйы ахуырады министрадмӕ.

Ахуырадон азы размӕ республикӕйы алкӕцы скъолайы дӕр, Ленингоры районы скъолайӕ дарддӕр, ауагътой басгӕрст. Уый фӕстиуӕгӕн УУМ инспектортӕ рахастой уынаффӕ, зӕгъгӕ, Хуссар Ирыстоны скъолатӕй иу дӕр нӕу ӕмбӕлон зынгирвӕзты ӕдасдзинады фӕтктӕн.

Басгӕрст Ленингоры уагъд ӕрцӕудзӕн къуырисӕры, ӕртыккӕгӕм сентябры.

Сӕйраг темӕтӕ