ЦХИНВАЛ, 2 ноя — Sputnik. Милицийы сӕрмагонд нысаниуӕджы къорды кусджытӕ ӕртыккаг аз фӕд-фӕдыл ссисты иууыл хуыздӕр Мидхъуыддӕгты министрады (МХМ) сӕрмагонд-командон ерысты Калашниковы автоматӕй ӕхсынӕй, хъусын кӕны уагдоны пресс-службӕ.
"Сӕрмагонд нысаниуӕджы къорды кусджытӕ систой 810 очко ӕмӕ бацахстой фыццаг бынат. Къорды кусджытӕ рамбылдтой сӕрмагонд бахыгъды дӕр. Тагъд архайды къорды кусджытӕ бацахстой дыккаг бынат. Ӕртыккаг бынат та бацахста Цхинвалы мидхъуыддӕгты хайады командӕ", — радзырдтой МХМ.
Уагдоны банысан кодтой, зӕгъгӕ, МХМ хайадты ӕхсӕн Калашниковы автоматӕй ӕхсыны ерыстӕ ацыдысты уагдоны полигоныл. Сӕ профессионалон цӕттӕкӕнынад равдыстой аст командӕ ӕмӕ 30 кусӕджы. Ерыстӕ цыдысты цалдӕр этапы. Командӕтӕ сӕххӕст кодтой фӕлтӕрӕнтӕ 100, 200 ӕмӕ 300 метр дистанцимӕ.
Калашниковы автоматӕй ӕхсынӕй ерыстӕ уагъд цӕуынц ӕрвылаз спорты популяризаци ӕмӕ кусджыты цӕттӕкӕнынад фӕхуыздӕр кӕныны тыххӕй.
