14:57 24 МАЙРÆМТЫ МÆЙ 2019
Комкоммӕ эфир
  • EUR72.62
  • USD65.60
Арæн

Арæнгæрон службæйы хистæр радзырдта "хуыты гриппы" ныхмæ мадзæлттыл

© Sputnik / Наталья Айриян
Хуссар Ирыстоны
Чысыл дӕнцӕг
53 0 0

Вирус H1N1 Гуырдзыстоны апырх ивгъуыд азы кæрон, Хуссар Иры Паддзахадон æдасдзинады комитеты арæнгæрон службæйы минæвар Sputnik пресс-центры радзырдта ацы тæссаг низ республикæйы территоримæ ма рбауадзыны фæдыл мадзæлтты тыххæй

ЦХИНВАЛ, 18 янв – Sputnik, Козаты Диана. Хуссар Ирыстоны арæнхъахъхъæнджытæ исынц æппæт мадзæлттæ дæр, цæмæй республикæйы территоримæ ма рбауадзон гриппы вирус H1N1 (хуыты грипп), кæцы ивгъуыд азы кæрон апарахат ис Гуырдзыстоны. Уый тыххæй Sputnik пресс-центры йæ пресс-конференцийы радзырдта Хуссар Иры Паддзахадон æдасдзинады комитеты арæнгæрон службæйы хистæр Алиханты Валериан.

И.о. начальника Погранслужбы КГБ РЮО Валериан Алиханты
© Sputnik / Наталья Айриян
И.о. начальника Погранслужбы КГБ РЮО Валериан Алиханты

Вирусы апарахаты тыххæй 11 январæй фæстæмæ æхгæд сты республикæйы арæнтæ Гуырдзыстонимæ. Алиханты Валерианы ныхæстæм гæсгæ, тынг бирæ гуырдзыстойнаг æмбæстæгтæ фæрынчын сты ацы низæй, официалон бæрæггæнæнтæм гæсгæ, 17 адæймаджы фæмард сты вирусæй.

"Уымæ гæсгæ мах аскъуыддзаг кодтам арæн сæхгæнын. Ныртæккæ нæ кусынц уадзæн пункттæ Синагур, Карзман, Переу, Раздæхæн æмæ æндæр хъæуты. Фылдæр адæм фæхизынц ацы уадзæн пунктты уылты", - загъта уый.

Арæнгæрон службæйы минæвар ма банысан кодта, зæгъгæ, ахæм мадзæлттæм æнæкæсгæйæ уæддæр вæййынц арæн фехалыны цаутæ.

Уæд арæнхъахъхъæнджытæ уайтагъддæр фæдзурынц дохтыртæм, науæд та акæнынц фæткхалджыты республикон рынчындонмæ.

"Нырма нæм нæ уыд рынчын адæймаг æрцахсыны цаутæ", - бахахх кодта Алиханты Валериан.

Уый ма радзырдта, зæгъгæ, кæд ирон-гуырдзиаг арæн æхгæд у, уæддæр кусы гуманитарон коридор уадзæн пункт Цхинвал-Эргнетыл.

Арæнхъахъхъæнæг нæ загъта, кæдмæ уыдзæн арæн æхгæд - "мадзæлттæ ист цæудзысты уавæрмæ гæсгæ".

Сӕйраг темӕтӕ