08:09 11 ЦЫППУРСЫ МÆЙ 2019
Комкоммӕ эфир
  • EUR70.39
  • USD63.58
МХМ

Фыдракӕнд ӕмӕ дыууӕ авари: Хуссар Иры МХМ радзырдта ивгъуыд къуырийы уавӕры тыххӕй

© Sputnik / Наталья Айриян
Хуссар Ирыстоны
Чысыл дӕнцӕг
49 0 0

Ивгъуыд къуыри республикӕйы сбӕрӕг кодтой иу фыдракӕнд ӕмӕ фӕндагон змӕлды 200 фӕткхалдӕй фылдӕр

ЦХИНВАЛ, 28 янв - Sputnik. Хуссар Ирыстоны барадхъахъхъӕнӕг органты кусджытӕ ивгъуыд къуыри, 21-28 январы, сбӕрӕг кодтой иу фыдракӕнд, хъусын кӕны Мидхъуыддӕгты министрады (МХМ) пресс-службӕ.

"Алыгъуызон фӕткхӕлдты тыххӕй бӕрнмӕ ӕрбаздӕхтой цалдӕр адӕймаджы, горӕты цӕрӕг сылгоймаг та бахаудта республикон соматикон рынчындонмӕ медикаментозон хъӕстӕимӕ", - дзырдӕуы хъусинаджы.

Афтӕ ма Цхинвалы мидхъуыддӕгты хайад ӕрцахстой ӕхсӕнадон фӕтк фехалыны тыххӕй ӕхсӕз адӕймаджы – иу ӕмбӕстаджы фӕивар кодтой иу мин сомы, аннӕйы сбадын кодтой ахӕстоны 15 суткӕмӕ.

Хуссар Ирыстоны фӕндӕгтыл ивгъуыд къуыри ӕрцыд дыууӕ фӕндагон-транспортон цауы (ФТЦ), авариты фӕстиуӕгӕн зианбаййафджытӕ нӕй, бафтыдтой уагдоны.

"Рейдон мадзӕлтты рӕстӕджы паддзахадон автоинспекцийы кусджытӕ сбӕрӕг кодтой фӕндагон змӕлды 201 фӕткхалды", - хъусын кӕны МХМ пресс-службӕ.

Афтӕ ма аст шофыры скъӕрдтой хӕдтулгӕтӕ нозтджынӕй, банысан кодтой министрады.

Сӕйраг темӕтӕ