05:29 23 МАЙРÆМТЫ МÆЙ 2019
Комкоммӕ эфир
  • EUR72.83
  • USD65.62
ХИПУ

Хорз ӕнтыст: ХИПУ райста ахуыр кӕнынмӕ студентты Сирийӕ

© Sputnik / Наталья Айриян
Хуссар Ирыстоны
Чысыл дӕнцӕг
42 0 0

Январы университет райста дыууӕ студенты Сириаг Арабаг республикӕйӕ уырыссаг филологийы факультетмӕ

ЦХИНВАЛ, 28 янв — Sputnik. Тыбылты Алыксандры номыл Хуссар Ирыстоны паддзахадон университет фыццаг хатт йӕ историйы райста ахуыр кӕнынмӕ студентты Сирийӕ, радзырдта ахуыргӕнӕндоны ректор Тедеты Вадим радио Sputnik Хуссар Ирыстонӕн.

"Январы нӕ университет райста дыууӕ студенты Сириаг Арабаг республикӕйӕ уырыссаг филологийы факультетмӕ. Ацы цау нӕ университетӕн у стыр ӕнтыст – советон дуджы дӕр алкӕцы ахуыргӕнӕндонӕн нӕ уыдис фадат фӕхонын абитуриентты фӕсарӕнтӕй", - банысан кодта Тедеты Вадим.

Ректор бафтыдта, сириаг студенттӕ кӕй ахуыр кӕндзысты фӕсаууонмӕ.

Фидӕны Тыбылты Алыксандры номыл Хуссар Ирыстоны паддзахадон университет нывӕнды бафыссын ӕмгуыстады бадзырд сириаг ахуыргӕнӕндӕттимӕ – Дамаск ӕмӕ Алеппойы университеттимӕ.

Сӕйраг темӕтӕ