ЦХИНВАЛ, 8 фев – Sputnik, Козаты Диана. Гуджабары поселочы бынӕттон цӕрӕг фӕцис зӕххы бын канализаци цалцӕггӕнӕн куыстыты рӕстӕджы, фехъусын кодтой Хуссар Ирыстоны Уӕлвӕткон уавӕрты министрады (УУМ) пресс-службӕ.
Зианбаййӕфӕджы буары цӕфтимӕ аластой республикон соматикон рынчындонмӕ.
"59-аздзыд Зӕгъойты Александр ныххаудта, йӕхӕдӕг цы уӕрм скъахта, уым. Сыхӕгтӕ фӕдзырдтой ирвӕзынгӕнджытӕм, кӕцытӕ систой нӕлгоймаджы ӕмӕ йӕ аластой рынчындонмӕ", - загътой пресс-службӕйы.
Уагдоны ма банысан кодтой, Зӕгъойты Александр кӕй райста рог цӕфтӕ ӕмӕ йе 'нӕниздзинадӕн тас нӕу.
