ЦХИНВАЛ, 9 апр – Sputnik, Плиты Фатимӕ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд" ратдзæн концерт Сочийы, фехъусын кодта Sputnik "Симд"-ы сæйраг администратор Гаглойты Кристина.
Хуссар Иры сфӕлдыстадон коллективӕн коммерцион концерт ацӕудзӕн галуан "Зимний дворец"-ы, 27 апрелы.
"Уæрæсе æмæ Хуссар Ирыстоны ʻхсæн баивдон мадзæлтты фæлгæтты ивгъуыд аз "Симд" радта ӕртӕ концерты Сочийы, уӕд нӕ фӕхуыдтой "Зимний дворец"-мӕ коммерцион концертимӕ. Ирон аивадимæ сочийӕгты зонгӕ кӕндзысты кафджытӕ ӕмӕ хоры ӕххӕст сконд. Равдисдзысты дыууӕсахатон программӕ", - загъта Гаглойты Кристина.
Уый ма радзырдта, зæгъгæ, ансамблӕн йӕ гастрольтӕ фӕсарӕнты ахӕсдзысты ӕртӕ боны.
