ЦХИНВАЛ, 12 июл - Sputnik. Хуссар Ирыстонмӕ фидауынгӕнӕг тыхты ӕрбакондыл 27 азы сӕххӕсты цытӕн Бибылты Анатолий радта фидауынгӕнджытӕн паддзахадон хорзӕхтӕ – майдантӕ "Сабырады сӕраппонд фыдӕбоны тыххӕй" ӕмӕ "Фыдыбӕстӕ Хъахъхъӕнӕгӕн", хъусын кӕны паддзахады сӕргълӕууӕджы пресс-службӕ.
Бибылты Анатолий сын раарфӕ кодта сӕ службӕйы тыххӕй ӕмӕ бахахх кодта, фидауынгӕнӕг тыхты руаджы республикӕйы адӕм цӕрынц сабырады.
"Абон мах нысан кӕнӕм ахсджиаг датӕ – Хуссар Ирыстонмӕ фидауынгӕнӕг тыхты ӕрбаконды бон. Мах иууылдӕр хъуыды кӕнӕм, куыд сӕмбӕлдысты фидауынгӕнджытыл нӕ ӕмбӕстӕгтӕ: цингӕнгӕйӕ ӕмӕ дидинджытимӕ сӕ къухты. Алчидӕр сымахӕй дӕтта ныфс сабыр цардӕн", - загъта президент ӕрӕмбырдуӕвджытӕн.
Президент ӕрымысыд 2008 азы августы цаутӕ дӕр, гуырдзиаг агрессортӕ куы ӕрбабырстой Хуссар Ирыстонмӕ.
"Фыццаг цӕф сӕхимӕ райстой уӕрӕсейаг фидауынгӕнджытӕ. Гуырдзиаг батальон нӕ бафӕлвардта бахъахъхъӕнын сӕ коллегӕты. Уымӕй дарддӕр ма гуырдзиаг "фидауынгӕнджытӕ" хайад истой Хуссар Ирыстонмӕ бабырсты", - загъта президент.
Фӕмардуавӕг фидауынгӕнджыты рухс нӕмттӕ ссардтой иу уысм ӕдзӕмӕй алӕугӕйӕ.
