05:46 12 ЦЫППУРСЫ МÆЙ 2019
Комкоммӕ эфир
  • EUR70.46
  • USD63.57
Дамбаца

Хуссар Иры милицийы дыууӕ кусӕджы фӕцӕф сты фыдгӕнӕгимӕ ӕхсты

© Sputnik / Антон Вергун
Хуссар Ирыстоны
Чысыл дӕнцӕг
35 0 0

Республикӕйы барадхъахъхъӕнӕг органты кусджытӕ уадзынц операци тӕссаг фыдгӕнӕджы ӕрцахсыны фӕдыл, кӕцы фарон сӕрды алыгъд МХМ рӕстӕгмӕ дарӕн изоляторӕй

ЦХИНВАЛ, 16 июл – Sputnik. Хуссар Ирыстоны фыдгӕнджытимӕ ӕхсты фӕцӕф сты милицийы дыууӕ кусӕджы, фехъусын кодта Sputnik Мидхъуыддӕгты министрады (МХМ) сӕргълӕууӕджы хӕдивӕг Кокойты Тарзан.

Йӕ ныхӕстӕм гӕсгӕ, ӕхст ӕрцыд Цхинвалы районы Залдайы хъӕуы.

"Махмӕ ӕрбацыд оперативон информаци тӕссаг фыдгӕнӕг Къӕбысты Андрейы (фӕсномыгӕй Гутон) ӕмбӕхсӕн бынаты тыхӕй. Нӕ кусджытӕ ацыдысты Залдайы хъӕумӕ, цы ран хӕрхӕмбӕлд фесты Къӕбысты Андрей ӕмӕ йе мбал Гӕбӕраты Сӕрмӕтыл. Ӕрцыд кӕрӕдзиӕхст, кӕцыйы фӕстиуӕгӕн фӕцӕф сты милицийы дыууӕ кусӕджы", - радзырдта Кокойты Тарзан.

Министры хӕдивӕг радзырдта, зианбаййафджыты информацимӕ гӕсгӕ, ӕхсты фӕцӕф ис Гӕбӕраты Сӕрмӕт дӕр. Ныртӕккӕ уагъд цӕуынц оперативон мадзӕлттӕ Залдайы цур хъӕды.

Кокойты Тарзан бафтыдта, зӕгъгӕ, фӕцӕфуӕвджытӕй иу ис уӕззау уавӕры, иннӕйы цардӕн ницы тас ис.

Къӕбысты Андрей, кӕцыйы азымджын кодтой адӕмы давыны, ӕрцахстой 2017 азы сӕрды. Ӕрфарсты рӕстӕджы уый басаст цалдӕр фыдракӕндыл, фӕстӕдӕр сбӕлвырд кодтой, цалдӕр бабырсты дӕр хайад кӕй райста. 2018 азы сӕрды уый алыгъд МХМ рӕстӕгмӕ дарӕн изоляторӕй.

Сӕйраг темӕтӕ