05:53 23 МАЙРÆМТЫ МÆЙ 2019
Комкоммӕ эфир
  • EUR72.83
  • USD65.62
Хуссар Иры культурӕйы министр хыгъдлӕвӕрд радта азы райдайӕнӕй фӕстӕмӕ куысты тыххӕй

Хуссар Иры культурӕйы министр хыгъдлӕвӕрд радта азы райдайӕнӕй фӕстӕмӕ куысты тыххӕй

© Sputnik / Наталья Айриян
Хуссар Ирыстоны
Чысыл дӕнцӕг
12 0 0

Хуссар Ирыстоны культурӕйы министр лӕмбынӕгӕй радзырдта уагдоны архайды фӕстиуджыты тыххӕй ӕмӕ банысан кодта фидӕны нывӕзтытӕ

ЦХИНВАЛ, 17 июл — Sputnik. Хуссар Ирыстоны культурӕйы министрады сӕргълӕууӕг Зассеты Жанна бавдыста хицауады сӕрдар Пухаты Эрикмӕ хыгъдлӕвӕрд 2019 азы ӕхсӕз мӕйы куысты тыххӕй. Уый тыххӕй хъусын кӕны республикӕйы хицауады пресс-службӕ.

Фембӕлды рӕстӕджы Зассеты Жанна йӕ хъус ӕрдардта библиотекон системӕйы проблемӕтӕм. Министр банысан кодта, хъӕууон ӕмӕ горӕтон библиотекӕтӕ хъӕуы баххӕст кӕнын уӕрӕсейаг литературӕйӕ.

"Ацы аз культурӕйы министрады аппарат сног кодта библиотекӕты фонд, фӕлӕ уый фаг нӕу. Афтӕ ма сӕ хайбавӕрд ацы хъуыддагмӕ бахастой Россотрудничество ӕмӕ Уӕрӕсейы Федерацийы минӕварад", - банысан кодта культурӕйы министрады сӕргълӕууӕг.

Уый фӕстӕ Зассеты Жанна радзырдта республикӕйы сфӕлдыстадон коллективты архайды тыххӕй ӕмӕ банысан кодта, ансамбль "Симд" хайад райста мадзӕлтты Хуссар Ирыстоны ӕмӕ фӕсарӕнты. Афтӕ ма гастрольты уыд Паддзахадон драмон театры труппӕ дӕр.

Афтӕ ма фембӕлды рӕстӕджы культурӕйы министр ӕрдзырдта историкон-культурон хӕзнаты тыххӕй дӕр. Йӕ ныхӕстӕм гӕсгӕ, абоны бон республикӕйы ис 2500 цырты, кӕцытӕ хъуамӕ бахизой хицӕн реестрмӕ.

Уымӕ дарддӕр ма Зассеты Жанна банысан кодта, профилон уагдӕттӕн кӕй радтой хӕслӕвӕрд, цӕмӕй сӕ хъус ӕрдарой 1920 азы геноциды темӕмӕ, кӕцыйы 100-ӕм афӕдзы бон нысан кӕндзысты фидӕн аз.

Ноджы ма министр ӕрдзырдта киноконцертон зал "Чермен"-ы проблемӕтыл, цы ран хъӕуы сног хъӕуын ифтонггарз ӕмӕ радзырдта фидӕны нывӕзтыты тыххӕй.

Сӕйраг темӕтӕ