22:03 20 КÆФТЫ МÆЙ
 2019
Комкоммӕ эфир
  • EUR71.13
  • USD63.95
Цхинвалы равзæрстой хуыздæр хæдахуыр къамисджыты

Цхинвалы равзæрстой хуыздæр хæдахуыр къамисджыты

© Sputnik / Фатима Плиева
Хуссар Ирыстоны
Чысыл дӕнцӕг
219 0 0

Тедеты Анжела уæлахиздзау ссис дыууæ номинацийы, Хетæгкаты Руслан та расгуыхт "Цхинвал абон"-ы номинацийы

ЦХИНВАЛ, 16 авг – Sputnik, Плиты Фатимæ. Культурæйы министрады адæмон сфæлдыстады центр хатдзæгтæ скодта фæндзæм æппæтреспубликон æрвылазон фотоконкурс "Хуссар Ирыстон —2019"-æн. Ӕртæ номинацийы сæрмагонд къамис равзæрста хуыздæр хæдахуыр къамисджыты.

Фæндзæм конкурсмæ бавдыстой 16 авторы 88 куысты. Къамтæн аргъгæнæг уыдысты фотограф Алексей Ковалев, Нывгæнджыты цæдисы сæрдар Цхуырбаты Тамерлан, Культурайы министры хæдивæг Дзеранты Джульетта æмæ йе ʻмкусæг Цхуырбаты Ариана.

Определение победителей фотоконкурса Южная Осетия-2019
© Sputnik / Фатима Плиева
Цхинвалы равзæрстой хуыздæр хæдахуыр къамисджыты

Уæлахиздзаутæн цыт кæндзысты 20 августы.

"Конкурсы уыд æртæ номинацийы – "Хуссар Иры цæсгæмттæ", "Хуссар Иры фендтаг бынæттæ" æмæ "Цхинвал абон". Алкæцы номинацийы уæлахиздзаутæ дæр райсдзысты фæйнæ фондз мин сомы, призертæ  та къаддæр суммæ", - загъта адæмон сфæлдыстады центры сæргълæууæг Гуыцмæзты Эльза.

Тедеты Анжела уæлахиздзау ссис дыууæ номинацийы, Хетæгкаты Руслан та расгуыхт "Цхинвал абон"-ы номинацийы. Конкурсы ма æнтыстджын уыдысты Мæргъиты Ирбег, Туаты Мария, Бестауты Лариса, Авагимова Элла, Джаджиты Аланæ, Джиоты Алена æмæ Уалыты Мальвина.

Фотоконкурсы хатдзæгтæм гæсгæ августы Къостайы цырты цур Цхинвалы ацæудзæн куыстыты равдыст. Мадзал нывонд уыдзæн бæрæгбонон датæйæн —Хæдбардзинады банымады бонæн.

Адæмон сфæлдыстады центр фотоконкурс уадзы фæндзæм аз. Фыццаг сæ тыхтæ бафæлвæрдтой 2014 азы. Хицæн æзты конкурсы расгуыхтысты къамисджытæ Гæбæраты Нелли, Габайты Владимир, Хуыгаты Ростислав, Гæззаты Тимур, Гасситы Зæринæ, Къæбулты Ӕхсар, Мæргъиты Ирбег, Бестауты Лариса æмæ æндæртæ.

  • Цхинвалы равзæрстой хуыздæр хæдахуыр къамисджыты
    Цхинвалы равзæрстой хуыздæр хæдахуыр къамисджыты
    © Sputnik / Фатима Плиева
  • Цхинвалы равзæрстой хуыздæр хæдахуыр къамисджыты
    Цхинвалы равзæрстой хуыздæр хæдахуыр къамисджыты
    © Sputnik / Фатима Плиева
  • Цхинвалы равзæрстой хуыздæр хæдахуыр къамисджыты
    Цхинвалы равзæрстой хуыздæр хæдахуыр къамисджыты
    © Sputnik / Фатима Плиева
1 / 3
© Sputnik / Фатима Плиева
Цхинвалы равзæрстой хуыздæр хæдахуыр къамисджыты

 

Сӕйраг темӕтӕ