ЦХИНВАЛ, 30 авг - Sputnik. Тӕрхондоны пъырыстыфты службӕ у тӕрхондоны системӕйы иууыл ахсджиагдӕр хӕйттӕй иу, кӕцы хӕссы стыр хайбавӕрд Республикӕ Хуссар Ирыстоны барадон системӕ сфидар кӕнынмӕ. Уый тыххӕй дзырдӕуы президент Бибылты Анатолийы арфӕйы республикӕйы тӕрхондоны пъырыстыфтӕн, кӕцытӕ майрӕмбоны нысан кӕнынц сӕ профессионалон бӕрӕгбон.
"Тӕрхондоны пъырыстыфты бӕрнон куыст ӕмӕ стыр курдиаты руаджы рӕстӕгыл ӕххӕст цӕуынц тӕрхондоны скъуыддзӕгтӕ. Фӕнды мӕ банысан кӕнын, службӕйы иууыл хуыздӕр минӕвӕртты хицӕн кӕнынц зонындзинӕдтӕ ӕмӕ бӕрзонд кусӕгон миниуджытӕ", - дзырдӕуы арфӕйы.
Президент фидарӕй загъта, пъырыстыфтӕ дарддӕр дӕр кӕй бӕрзонд кӕндзысты рӕсттӕрхоны ӕмвӕзад ӕмӕ сын уыдзӕн стыр фӕстиуджытӕ сӕ службӕйон архайды.
Хуссар Ирыстоны Тӕрхондоны пъырыстыфы бон нысан кӕнынц 30 августы 2015 азӕй фӕстӕмӕ.
