17:27 12 ДЖЕОРГУЫБАЙЫ МÆЙ
 2019
Комкоммӕ эфир
  • EUR70.42
  • USD63.85
Хуыцауы Мады сыгъдæг хуыз Авдфатон  æрцæудзæн Цхинвалмæ

Хуыцауы Мады уазныв "Авдфатон" æрцæудзæн Цхинвалмæ

© 15-Й РЕГИОН
Хуссар Ирыстоны
Чысыл дӕнцӕг
175 0 0

Уазныв Ирыстоны уыдзæн 6-11 сентябры, сæхи бафæдзæхсыны фадат уыдзæн рæстдинонтæн хуссары дæр æмæ цæгаты дæр

ЦХИНВАЛ, 4 сен — Sputnik, Плиты Фатима. Хуссар Ирыстонмæ æрласдзысты Хуыцауы Мады сыгъдæг хуыз "Авдфатон" ("Саузæрдæты фæлмæнгæнæг"), фехъусын кодта Sputnik динамонæг фыд Сергий.

Уазнывмæ скувæн уыдзæн 10-11 сентябры Цхинвалы, Уæрæсейы рæстдинон аргъуаны.

"Уазныв уыдзæн Ирыстоны æхсæзæм сентябрæй фæстæмæ. Дыууæ боны æмгъуыдмæ йæ æрхæсдзысты Цхинвалмæ. Джиоты Аланы проспектыл уæвæг рæстдинон аргъуаны фадат уыдзæн хи уазнывæн бæфæдзæхсын", - загъта динамонæг.

Фæлгонцæй ныр 20 азы бæрц тæдзы сыгъдæг миро. Уый у Уæрæсейы кадджындæр æмæ диссагдæр уазнывтæй иу.

Дыццæджы 15-æм Регион республикæйы мыхуыры хъуыддæгты комитеты пресс-службæйы информацийыл æнцойгæнгæйæ фехъусын кодта, уазныв Цæгат Иры цы аргъуанты уыдзæн, уый. Афтæ сыгъдæг ныв уыдзæн: 6 сентябры 8:00 сахатæй 20:00 сахаты онг — Фырсыгъдæг Мад Майрæмы Ӕмбæрзæны аргъуаны (Покрова Пресвятой Богородицы), 7 сентябры 8:00 сахатæй 20:00 сахаты онг — Ирон аргъуаны (Храм Рождества Пресвятой Богородицы), 8 сентябры 8:00 сахатæй 20:00 сахаты онг — Георгий Уæлахиздзауы аргъуаны, 9 сентябры — 8:00 сахатæй 20:00 сахаты онг — Ильяйы номыл аргъуаны.

Мадзалы организатор, меценат Хъороты Владимир куыд бæрæг кæны, афтæмæй 12 сентябры уырнæг адæм сыгъдæг фæлгонц афæндараст кæндзысты.

Сӕйраг темӕтӕ