14:18 21 РУХÆНЫ МÆЙ 2019
Комкоммӕ эфир
  • EUR70.60
  • USD63.85
Сабырдзинады бӕлон

11 азы ӕнӕ хӕстӕй: Хуссар Иры банысан кӕндзысты Сабырдзинады бон

© AFP 2018 / MARCO LONGARI
Хуссар Ирыстоны
Чысыл дӕнцӕг
12 0 0

Цхинвалы ӕхсӕнадӕмон бӕрӕгбон банысан кӕндзысты Республикӕйы боны, 20 сентябры

ЦХИНВАЛ, 12 сен - Sputnik. Хуссар Ирыстоны столицӕйы Республикӕйы бон, 20 сентябры ацӕудзӕн акци, кӕцы у нывонд Ӕхсӕнадӕмон сабырдзинады бонӕн. Мадзал ацӕудзӕн Мад Майрӕмы аргъуаны раз фӕзуатыл, радзырдта Sputnik фӕсивӕдон политикӕ, спорт ӕмӕ туризмы комитеты пресс-службӕйы кусӕг Гӕджиты Алла.

"Ӕхсӕнадӕмон бӕрӕгбоны традицитӕй иу у Сабырдзинады Дзӕнгӕрӕджы айзӕлд. Дзӕнгӕрӕг айзӕлдзӕн 11 хатты – уый у символикон, уымӕн ӕмӕ Хуссар Ирыстон 11 азы цӕры сабырдзинады Уӕрӕсейы Федерацийы рдыгӕй банымады фӕстӕ. Мах зонӕм сабырдзинады аргъ", - радзырдта уый.

Акцийы фӕлгӕтты ма сӕххӕст кӕндзысты зарджытӕ ӕмӕ ӕмдзӕвгӕтӕ сабырдзинады тыххӕй, мадзалы кӕрон та арвмӕ ауадздзысты бӕлӕтты – ацы боны символтӕй иу.

Акци сорганизаци кодта фӕсивӕдон политикӕ, спорт ӕмӕ туризмы комитет республикӕйы Россотрудничествойы минӕварады ӕххуысӕй. Акци Республикӕйы бон ауадзын баст у Мад Майрӕмы бӕрӕгбонимӕ 21 сентябры – ацы бон Хуссар Ирыстоны у улӕфт.

Ӕхсӕнадӕмон сабырдзинады бон нысан кӕнынц ӕппӕт дунейы бӕстӕты. Бӕрӕгбон снысан кодта ИНО-йы Генералон Ассамблей 1981 азы, уый фӕстӕ йӕ ӕрвылаз нысан кӕнынц 21 сентябры.

Бӕрӕгбоны символ – сабырдзинады бӕлон – сныв кодта испайнаг нывгӕнӕг Пабло Пикассо сабырдзинады Ӕппӕтдунейон конгрессы эмблемӕйӕн, кӕцы ацыд 1949 азы.

Сӕйраг темӕтӕ