Бибылты Анатолий бахӕс кодта среорганизаци кӕнын Хуссар Иры миграцион уагдон

© Sputnik / Наталья АйриянХицауад
Хицауад - Sputnik Хуссар Ирыстон
Рафыссын
Паддзахады сӕргълӕууӕджы скъуыддзаг здӕхт у республикӕйы ӕххӕстгӕнӕн хицауады структурӕтӕ фӕхуыздӕр кӕнынмӕ, дзырдӕуы барамынды

ЦХИНВАЛ, 13 сен - Sputnik. Хуссар Ирыстоны президент Бибылты Анатолий бафыста барамынд республикӕйы миграцион политикӕйы фӕдыл комитет лигъдонты социалон хъахъхъӕнынады фӕдыл комитетмӕ раивыны тыххӕй. Ног уагдонӕн уыдзӕн бартӕ лигъдонтӕ ӕмӕ ӕрцӕууӕггӕгты социалон хъахъхъӕнынады фадыджы. Афтӕ ма уагдон кусдзӕн репатриацийы фарстыты фӕдыл, дзырдӕуы документы.

Афтӕ ма республикӕйы сӕргълӕууӕг радта фӕдзӕхст бахӕссын ӕмбӕлон ивындзинӕдтӕ нормативон базӕмӕ, республикӕйы хицауад та хъуамӕ ӕххӕст кӕна реорганизацион мадзӕлттӕ барамындмӕ гӕсгӕ.

Хуссар Ирыстоны миграцион политикӕйы фӕдыл комитет сарӕзтӕуыд 2012 азы майы. Уый куыста лигъдонтӕ ӕмӕ ӕрцӕууӕггӕгты проблемӕтыл, афтӕ ма архайдта тыхон структурӕтимӕ иммиграцион хъусдарды фадыджы.

Ног хабӕртты лентӕ
0