17:18 12 ДЖЕОРГУЫБАЙЫ МÆЙ
 2019
Комкоммӕ эфир
  • EUR70.42
  • USD63.85
Гимнази Альбион баххуыс кодта хæрзаудæн фондæн

Лæвар фæрæзтæ: гимнази "Альбион" баххуыс кодта хæрзаудæн фондæн

© Sputnik / Наталья Айриян
Хуссар Ирыстоны
Чысыл дӕнцӕг
157 0 0

Майрæмбоны фонд "Лæвар базыртæ"-йы хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ

ЦХИНВАЛ, 13 сен — Sputnik, Плиты Фатимæ. Цхинвалы гимнази "Альбион"-ы цыппæрæмкъласонтæ финансон фæрæзтæй баххуыс кодтой хæрзаудæн фонд "Лæвар базыртæ"-йæн. Къаннæг сумма сабитæ бамбырд кодтой Зонындзинæдты бæрæгбонмæ фæстауæрцон фæрæзтæй.

Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ.

Хуссар Иры гимнази "Альбион"-ы цыппæрæм 4в къласы ахуыр кæны 30 ахуырдзауы. Сæ ахуыргæнæг Хаситы Мзия Сократы чызг бæрæгбонмæ райста æрмæст иу букет.

"Ацы акцийы тыххæй базыдтон мæхæдæг дæр 5 сентябры æмæ мæ цины цæссыг нæ баурæдтон. Мах сабиты канд кæсын æмæ фыссын ма хъуамæ ахуыр кæнæм, фæлæ сын амонæм хорздзинад тауын", - загъта ахуыргæнæг.

Ахуыргæнæгæн уагдоны 4в кълас æрæмбырдгонд фæрæзтæ здæхт æрцæудзысты фонды цæстдарды бын цы коррекцион къласы архайы, уый размæцыдæн. Коррекцион къласы ис 12 сывæллоны бæрц.

Встреча школьников гимназии Альбион с учредителями фонда Подари крылья
© Sputnik / Наталья Айриян
Хаситы Мзия Сократы чызг

Фонды директор Цхуырбаты Татьяна раарфæ кодта ахуырдзаутæн æмæ ахуыргæнджытæн сæ хæрзауæдæн хъуыддажы тыххæй, радта бузныджы гæххæт, сывæллæттæн балæвар кодта къухылдарæнтæ. Уый фæстæ йæм сабитæ бахатыдысты фонды сæвзæрды цыбыр истори радзурынмæ.

Цхуырбаты Татьяна сын раргом кодта, фонд "Лæвар базыртæ" кæй сæвзæрд йе ʻввахс æмбалы номыл, кæцыйæн йæ цармæ тырнынад басаста уæззау низ.

"Сабитимæ ныхас кæнын нæуи дæр зындæр у, фæлæ мæ раныхасы фæстæ цæссыг калын куы райдыдтой, уæд мæхи цы фæкодтаин уый бынтон нал зыдтон", - загъта Цхуырбаты Татьяна.

Кълас ма бацæттæ кодта уазджыты ʻрбацыдмæ æмдзæвгæтæ, стæй ма сабитæ дзырдтой сæ æнкъарæнтæ æмæ цæстæнгас низæфхæрд адæммæ.

Ӕрвылаз зонындзинæдты бæрæгбонмæ Цхинвалы ныууæй кæнынц мингай букеттæ, сæ аргътæ вæййынц æртæ сæдæйæ дыууæ мины онг.

  • Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ
    Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ
    © Sputnik / Наталья Айриян
  • Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ
    Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ
    © Sputnik / Наталья Айриян
  • Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ
    Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ
    © Sputnik / Наталья Айриян
1 / 3
© Sputnik / Наталья Айриян
Майрæмбоны фонды хистæр Цхуырбаты Татьяна бацыд ахуыргæнæн уагдонмæ хæрзгæнæг ахуырдзаутимæ фембæлдмæ

 

Сӕйраг темӕтӕ