Уанаты доны хӕтӕл: Цхинвалы кӕцы проблемӕтӕ аскъуыддзаг кӕндзӕн уый

© Sputnik / Юрий ЛашовДоны хӕтӕл
Доны хӕтӕл - Sputnik Хуссар Ирыстон
Рафыссын
Арӕзтадон куыстытӕ уӕлӕмхасӕн хахх Уанат-Цхинвалыл хӕццӕ кӕнынц кӕронбӕттӕн этапмӕ – ног доны хӕтӕл аиуварс кӕндзӕн Хуссар Ирыстоны донифтонгады цухдзинады проблемӕ

ЦХИНВАЛ, 26 сен - Sputnik, Гӕбӕраты Ян. Уанаты доны хӕтӕл, кӕцыйы дӕргъ у 50 километры, йӕ аргъ та 400 милуан сомы, ратдзысты эксплуатацимӕ Хуссар Ирыстоны фидӕн азы. Уый тыххӕй Sputnik радзырдта Паддзахадон унитарон куыстуат "Водоканал"-ы директор Цхуырбаты Алан.

Цхинвалы районы ЦКХ аскъуыддзаг кодтой донифтонгады проблемӕ Къусреты хъӕуы - Sputnik Хуссар Ирыстон
Цхинвалы районы скъуыддзаг кӕнынц хъӕуты донифтонгады проблемӕ

"Дон сыгъдӕг кӕндзыстӕм хлорӕй. Фӕлӕ дон нӕуидӕр сыгъдӕг у, суадонӕй дзы гӕнӕн ис нуазын", - банысан кодта куыстуаты директор.

Цхуырбаты Аланы ныхӕстӕм гӕсгӕ, уӕлӕмхасӕн доны хӕтӕлы руаджы аиуварс кӕндзысты Цхинвалы донифтонгады проблемӕтӕ. Сӕйраджыдӕр, фенцондӕр уыдзӕн район "Текстиль"-ы цӕрджытӕн, кӕцытӕ фыццаг банкъарынц доны проблемӕ.

"Дон цистернӕтӕй, кӕцытӕ сты Тулдзы къохы, фыццаг ӕрбацӕуы ацы районмӕ. Доны бӕрц нормӕйы къаддӕр куы уа – уый вӕййы уалдзӕджы - уӕд фӕзыны доны цухдзинад. Ног канал аиуварс кӕндзӕн ацы проблемӕ – дон цӕудзӕн "Текстиль"-ы районмӕ, ныры доны хӕтӕлы фӕрӕзтӕ та аххӕсдзысты столицӕйы аннӕ 70 процентыл", - загъта уый.

Уанаты суадонӕй доны хӕтӕлы арӕзтад уагъд цӕуы ӕвдӕм мӕй. Инвестпрограммӕйы объектыл куыстытӕ ӕххӕст кӕны нардуатон организаци "СТМ-Юг".

Цхинвал донæй ифтонг цæуы доны хæтæл Едыс–Цхинвалæй. Ацы магистралон хахмæ дон цæуы цыппар къалиуæй, уыдонæй дыууæ — Дзомагъ æмæ Брытъат — сты гом. Баиу сæ кæнынц зымæгон рæстæг, цъититæ куы ныссæлынц æмæ зæххы бын уый бæрц куы нал вæййы дон. Фæлæ уалдзæджы донивылдты рæстæджы уыдон сызмæнтынц æмæ сæ бахъæуы ахицæн кæнын.

Ног хабӕртты лентӕ
0