18:46 05 ЦЫППУРСЫ МÆЙ 2019
Комкоммӕ эфир
  • EUR70.72
  • USD63.81
Хуссар Иры театр райста æхсæнадæмон театры сæрмагонд приз

Хуссар Иры театр райста æхсæнадæмон фестивалы сæрмагонд приз

© Sputnik / Наталья Айриян
Хуссар Ирыстоны
Чысыл дӕнцӕг
24 0 0

"Фатима" райста жюрийы сæрмагонд приз "За сохранение традиций и сценическое воплощение поэмы Коста Хетагурова в спектакле "Фатима"

ЦХИНВАЛ, 11 ноя — Sputnik, Плиты Фатимæ. Дзæуджыхъæуы ахицæн ис Цӕгат Кавказы националон театрты IX ӕхсӕнадӕмон фестиваль "Сцена без границ". Фестивалы хатдзæгтæм Хуссар Иры сфæлдыстадон къорд "Фатимæ" райста сæрмагонд приз.

Хетӕгкаты Къостайы номыл Хуссар Ирыстоны паддзахадон драмон театр спектакль "Фатимæ"-йы тыххæй райста жюрийы сæрмагонд приз "За сохранение традиций и сценическое воплощение поэмы Коста Хетагурова в спектакле "Фатима".

"Бирæ номинацитæ дзы уыд, цæгаткавказаг театртæ фæхайджын сты хицæн призтæй. Хуыздæр спектакль нæ равзæрстой, уымæн æмæ ацы номинаци рауад хъаугъайаг. Нæ "Фатима" райста сæрмагонд приз", - загъта трагедийы æвæрæг-режиссер, театры аивадон къухдариуæггæнæг Дзудцаты Тамерлан.

Уый ма банысан кодта, спектакль аккаг æмвæзадыл нæ бантыст равдисын, уымæн æмæ фестивалы сценæйы техникон авналæнтæ уыдысты мæгуырау.

"Техникон æгъдауæй Цæгат Иры театр Хуссар Иры театры хуызæн нæу, уымæ гæсгæ спектаклы равдыст рауад мæгуыраудæр", - бафтыдта режиссер.

Уымæй размæ ма уый фехъусын кодта, Хуссар Иры театры "Фатимæ" Цæгат Иры кæсæгмæ сæвзæрын кодта стыр цымыдис æмæ ацыд æххæст аншлагимæ.

Цӕгат Кавказы националон театрты IX ӕхсӕнадӕмон фестиваль "Сцена без границ" цыд ивгъыд къуыри Дзæуджыхъæуы. Мадзалы архайыджытæ уыдысты Цæгат Кавказы республикæты театртæ, стæй ма Абхаз æмæ Хуссар Иры сфæлдыстадон коллективтæ.

Цӕгат Кавказы националон театрты IX ӕхсӕнадӕмон фестиваль "Сцена без границ" сарæзтой Уæрæсейы æмæ Цæгат Ирыстоны культурæйы министрадтæ.

Сӕйраг темӕтӕ