ЦХИНВАЛ, 14 ноя - Sputnik. Хуссар Ирыстоны фӕсарӕйнаг хъуыддӕгты министр Медойты Дмитрий ауагъта цалдӕр фембӕлд Берлины регионалон парламенты партиты минӕвӕрттимӕ, хъусын кӕны ӕддагполитикон уагдоны пресс-службӕ.
"Германимӕ балцы кӕрон Хуссар Ирыстоны фӕсарӕйнаг хъуыддӕгты министр Медойты Дмитрий бабӕрӕг кодта Берлины регионалон парламент, цы ран ауагъта цалдӕр фембӕлды партиты минӕвӕрттимӕ. Фембӕлдты рӕстӕджы ӕрдзырдтой фарстытыл, кӕцытӕ цымыдис кодтой дыууӕ фарсы дӕр", - дзырдӕуы хъусинаджы.
Балцы фӕлгӕтты Медойты Дмитрий фембӕлд Германийы сербӕгты цӕдисы минӕвӕрттӕ ӕмӕ сербаг ӕхсӕнады уӕнгтимӕ.
Амӕйразмӕ хъусын кодтой, Хуссар Ирыстоны ФХМ сӕргълӕууӕг кӕй бабӕрӕг кӕндзӕн Европӕйы кӕцыдӕр бӕстӕтӕ йӕ кусӕгон балцы фӕлгӕтты, кӕцы адаргъ уыдзӕн 19 ноябры.
