01:33 15 ХУРХÆТÆНЫ МÆЙ
 2021
Комкоммӕ эфир
  • EUR87.33
  • USD71.68
Хуссар Ирыстоны
Чысыл дӕнцӕг
33 0 0

Хетæгкаты Къостайы номыл Хуссар Иры паддзахадон драмон театры труппа спектакль "Антигона"-ы тыххæй ныры онг рахицæн кодтой цалдæр æхсæнадæмон фестивальты призтæй

ЦХИНВАЛ, 14 ноя — Sputnik, Плиты Фатимæ. Хуссар Ирыстоны паддзахадон драмон театры труппæ Ӕхсæнадæмон театралон фестиваль "Южная сцена"-йы бавдисдзæн трагеди "Антигона", фехъусын кодтой Sputnik ПДТ пресс-службæйы.

Хетæгкаты Къостайы номыл Хуссар Иры паддзахадон драмон театры труппæ спектакль "Антигона"-ы тыххæй ныры онг рахицæн кодтой цалдæр æхсæнадæмон фестивальты призтæй.

"Ӕхсæнадæмон театралон фестиваль цæудзæн Нальчикы 17 - 22 ноябры. Мадзалы архайдзысты Цæгат Ирыстон, Хъæрæсе-Черкес, Кæсæг-Балхъар, Цæцæн, Дагестан æмæ Ставрополы театртæ", - загътой пресс-службæйы.

Уым ма банысан кодтой, фестивалы хайадисты фæстæ та труппæ райдайдзæн йæ ралæудтæ Цæгат Иры гастрольты фæлгæтты.

Дзудцаты Тамерлан трагеди "Антигона" æвæрд æрцыд французаг драматург Жан Ануй антикон сюжеты бындурыл пьесæмæ гæсгæ. Сӕйраг хъайтарты фӕлгӕнцтӕ ӕххӕст кæнынц ӕвзонг актертӕ — Бекъоты Зӕринӕ Антигонайы ролы ӕмӕ Цоциты Андрей та йӕ уарзон Гемоны ролы. Уыдонӕн ацы спекталь у сӕ дебютон.

Сӕйраг темӕтӕ