18:03 05 ЦЫППУРСЫ МÆЙ 2019
Комкоммӕ эфир
  • EUR70.72
  • USD63.81
Авария  на трубопроводе на углу улицы Исака Харебова и проспекта Алана Джиоева

Цхинвалы хуссар хай баззад æнæ донæй

© Sputnik / Елена Кулумбегова
Хуссар Ирыстоны
Чысыл дӕнцӕг
81 0 0

Харебаты Исахъы уынг æмæ Джиоты Аланы проспекты алвæндагыл атыдта хæтæл къуырисæры изæры. Фонтанау абухгæ кадртæ уайтагъд апарахат сты социалон хызæгты

ЦХИНВАЛ, 19 ноя — Sputnik, Плиты Фатимæ. Хуссар Ирыстоны столицæйы доны хæтæлыл аварийы аххосæй Цхинвалы хуссар хай баззад æнæ донæй дыццæджы. Хæтæл атыдта къуырисæры изæры Харебаты Исахъы уынг æмæ Джиоты Аланы проспекты алвæндагыл. Фонтанау абухгæ кадртæ уайтагъд апарахат сты социалон хызæджы.

Паддзахадон унитарон куыстуат "Водоканал"-ы хистæр Цхуырбаты Аланы ныхæстæм гæсгæ, донифтонгад хуымæтæг режимы ратдзысты боны дæргъы.

"Дысон 6 сахатмæ æввахс атыдта доны хæтæлы тройник. Æнæ донæй баззадысты Харебаты Исахъы уынгæй дæлæмæ бирæуæладзыгон хæдзæрттæ. Ныридæгæн бынаты кусынц специалисттæ, цалдæр сахатмæ горæты дон цæудзæн хуымæтæг режимы", - загъта Sputnik "Водоканал"-ы хистæр Цхуырбаты Алан.

Уый ма бамбарын кодта доны хæтæлы аварийы аххосæгтæ.

"Коммуникацитæ æрæзт æрцыдысты æхсæз азы размæ æмæ, æвæццæгæн, хорз æндæгъд не ʻрцыдсты", - бафтыдта уый.

Сӕйраг темӕтӕ