17:37 05 ЦЫППУРСЫ МÆЙ 2019
Комкоммӕ эфир
  • EUR70.72
  • USD63.81
Хуссар Иры хъӕууон хӕдзарады министрад радзырдта ацы азы тыллӕг ӕмӕ техникӕйы цухдзинады тыххӕй

Хуссар Иры хъӕууон хӕдзарады министрад ацы азы тыллӕг ӕмӕ техникӕйы цухдзинады тыххӕй

© Sputnik / Aleksandr Kryazhev
Хуссар Ирыстоны
Чысыл дӕнцӕг
8 0 0

Министрады минӕвар радзырдта журналисттӕн, цас тыллӕг ӕрӕмбырд кодтой ацы аз республикӕйы быдыртыл ӕмӕ куыд ӕндавынц ӕфснайӕн техникӕимӕ проблемӕтӕ хъӕууон хӕдзарады куыстыл

ЦХИНВАЛ, 19 ноя — Sputnik, Гӕбӕраты Элина. Хуссар Ирыстоны балцхынцъ ис ӕфснайӕн компани, йӕ хатдзӕгты тыххӕй пресс-конференцийыл Паддзахадон мыхуыр ӕмӕ информацийы комитеты радзырдта Хъӕууон хӕдзарады министрады зайӕгойтӕ ӕмӕ механизацийы фӕдыл хайады хистӕр Мулдарты Игорь.

Уый банысан кодта, 2019 азы хор ӕмӕ ӕфсиры тыллӕг ӕрӕмбырд кодтой 2,2 мин гектары быдыртӕй.

"Фылдӕр нӕм тауынц уалдзыгӕнд хъӕбӕрхор, бафснайдтой 1,7 мин гектары. Тынг цъус байтыдтой фӕззыгӕнд мӕнӕу ӕмӕ сысджы – иумӕйагӕй 320 гектары. Уымӕй дарддӕр ма бафснайдтой хъӕдур ӕмӕ халсарты культурӕтӕ: хъӕдур, картоф ӕмӕ нартхор", - загъта Мулдарты Игорь.

Хайады хистӕр бахахх кодта, иууыл фылдӕр хъӕдур кӕй ӕрӕмбырд кодтой Знауыры районы, картоф та Дзауы районы.

Цхинвалы районы та иууыл фылдӕр ис дыргътӕ, ам ныккалдтой фӕткъуыйы дыууӕ егъау дыргъдоны.

Мулдарты Игорь радзырдта зӕххкусджыты проблемӕты тыххӕй дӕр, сӕ нымӕцы хъӕууон хӕдзарады техникӕйы цухдзинад.

"Хуымгӕнӕн зӕххытӕ нӕм ис 3,5 мин гектары. Ис нӕм фараст комбайны, нормӕтӕм гӕсгӕ та нӕм хъуамӕ уа ӕфснайӕн техникӕйы 25 иуӕджы. Нӕ комбайнтӕ арӕх фехӕлынц ӕмӕ уый фӕдыл фӕзыны проблемӕтӕ ӕфснайынимӕ", - банысан кодта Мулдарты Игорь.

Хоры культурӕ, кӕцы зайын кӕнынц Хуссар Ирыстоны территорийыл, реализаци кӕнынц мидӕггагон базары.

Сӕйраг темӕтӕ