Хуссар УУМ ӕрсидт шофыртӕм раивын сӕ хӕдтулгӕты резинӕ

© Sputnik / Наталья АйриянЦхинвал
Цхинвал - Sputnik Хуссар Ирыстон
Рафыссын
Фыццаг мит ноябры райдайӕны ныридӕгӕн ссис цалдӕр аварийы аххосаг республикӕйы фӕндӕгтыл. УУМ ӕрсидт хӕдтулгӕты хицӕуттӕм, цӕмӕй развӕлгъау бацӕттӕ кӕной сӕхи уазӕлттӕм

ЦХИНВАЛ, 21 ноя - Sputnik, Годжысаты Анна. Хуссар Ирыстоны Уӕлвӕткон уавӕрты министрад (УУМ) ӕрсидт хӕдтулгӕты шофыртӕм, цӕмӕй раивой сӕрдыгон резинӕ зымӕгонмӕ.

Цхинвал - Sputnik Хуссар Ирыстон
Хуссар Иры МХМ сӕргълӕууӕг бафхӕрдта йӕ кусджыты фӕндӕгтыл уавӕры тыххӕй

Уагдоны бӕрӕггӕнӕнтӕм гӕсгӕ, мӕйы райдайӕны Дзау-Рукъ фӕндагыл авариты фылдӕр хай ӕрцыд фыццаг митуарды тыххӕй – шофыртӕ нӕ сырӕхстысты скъӕрын бырынцъаг фӕндагыл.

УУМ пресс-секретарь Тедеты Роза куыд фехъусын кодта Sputnik, афтӕмӕй автомагистралыл нырма уыдзӕн хорз боныгъӕд, фӕлӕ ӕнамонд цаутӕ ма руадзыны тыххӕй резинӕ ныридӕгӕн хъӕуы раивын.

"Фыццаг митимӕ трассӕйыл уыд цаутӕ, шофыртӕ куы бадзырдтой ирвӕзынгӕнджыты ӕххуысмӕ, уымӕн ӕмӕ сӕрдыгон резинӕйыл скъӕрын сӕ бон нӕ уыд", - загъта Тедеты Роза.

Амӕйразмӕ шофыртӕм ӕрсидт республикӕйы Паддзахадон автоинспекци дӕр.

Ног хабӕртты лентӕ
0