20:28 12 ЦЫППУРСЫ МÆЙ 2019
Комкоммӕ эфир
  • EUR70.43
  • USD63.23
Милицийы кусджытæ

Цхинвал - лидер аваритæй, фæлæ иумæйагæй ФТЦ нымæц къаддæр кæны - ПАИ

МВД РЮО
Хуссар Ирыстоны
Чысыл дӕнцӕг
13 0 0

Фылдæр бæрцæй аваритæ æрцæуынц бынæттон "шумахертæ" æмæ нозтджын шофырты аххосæй. Уагдон ма æрхастæ æндæр цымыдисон факттæ дæр - зæгъæм, къуырийы кæцы боны æрцæуы фылдæр фæндагон-транспортон цаутæ

ЦХИНВАЛ, 21 ноя – Sputnik, Козаты Диана. Хуссар Ирыстоны Паддзахадон автоинспекци фехъусын кодта 2019 азы фæндагон-транспортон цауты фæкъаддæры тыххæй. Уагдон фæстиуджытæ скодта дæс æйы куыстæн, статистикæ куыд равдыста, афтæмæй ацы рæстæджы республикæйы æрцыд 118 фæндагон транспортон цауы, уыдонæй фондз - сывæллæтты хайадистæй.


Ивгъуыд аз ахæм æмгъуыдмæ республикæйы фæндæгтыл æрцыд зынгæ фылдæр аваритæ - ПАИ банымадта 145 ФТЦ. Ацы аз цауты не 'рцыд зиæнттæ, æрмæст сæ цæфтæ райстой 42 адæймаджы.

ФТЦ нымæцмæ гæсгæ фыццаг бынат ахсы Цхинвал - 70 аварийы. Уавæр иууыл æдасдæр та у Ленингоры районы. Ацы аз уым æрцыд æрмæстдæр иу авари.

Автоинспектортæ куыд нысан кæнынц, афтæмæй фылдæр бæрцæй аваритæ æрцæуынц бынæттон "шумахерты", цæцтæ не 'ххæст кæнынц тагъддзинады режим, æмæ нозтджын шофырты аххосæй. Ахæм цаутæ афæдзы райдианæй æрцыд 37 æмæ 30.

"Нозтджынæй рулыл сбадын у фыдракæд. Мах уадзæм профилактикон куыст, тох кæнæм ахæм шофыртимæ. Законмæ гæсгæ, шофырæй ис гæнæн байсын дыууæ азмæ йæ æвдисæндар, науæд та ивар 30 мин сомы. Афæдзы мидæг ма уыцы иу шофыры куы рцахсой нозтджынæй, уæд æм æнхъæлмæ кæсы дыууæ азы ахæст", - радзырдта ПАИ хистæр Джиоты Алан.

Уагдоны ма банымадтой, куырийы кæцы бон æрцæуы уæлдай фылдæр аваритæ. Ацы бæрæггæнæнтæм гæсгæ, фылдæр аваритæ æрцæуынц къуырисæр æмæ хуыцаубонты. Уыдон арæхдæр æрцæуынц Сталины, 8 июны æмæ Хъайтарты уынгтыл, афтæ ма алвæндæгтыл дæр.

Алан Джиоев
© Sputnik / Наталья Айриян
Джиоты Алан

Сӕйраг темӕтӕ