ЦХИНВАЛ, 26 ноя - Sputnik, Плиты Фатимæ. Мæскуыйаг нывæггæнæг-керамист фæуыд кæны куыст Хуссар Иры Алайнаг епархийы кафедралон аргъуаны иконостасыл. Мæскуыйы аргъуантæм кæсджыты гильдийы уæнг Антон Перов йе ʻмкъайимæ уазнывон сисыл кусы æртæ азы бæрц.
Иконостасыл куыст фæнд кæнынц балхынцъ кæнын уалдзæджы, уæдмæ сцæттæ уыдзысты йæ фæрсон дуæрты фæлыст æмæ централон хайы дзуар.
"Куыст райыдыдтам æртæ азы размæ. Иконостасы æддаг бакасты эскиз баццæттæ æрцыд алайнаг епархийы динамонджыты æнхъарæнтæ хынцгæйæ. Ис дзы традицион Мад Майрæм æмæ Чырыстийы стыр уазнывтæ, стæй ма паддзахы дыуæрттæ. Иконостасы уæллаг хай цы рæнхъ ис чысыл уазнывтимæ, уый арæзт æрцыд фыд Иаковы æнхъарæнмæ гæсгæ", - загъта Sputnik Антон Перов.
Иконостас у фарофорæй конд, æххæст цæуы сæрмагонд техникæйы.
"Сис конд у сæрмагонд техника "подглазурная роспись"-ы, иконостасæн тас нæу артæй, уымæлæй æмæ донæй. Куыст хъавын фæуын уалдзæджы, уæдмæ сцæттæ уыдзæн фарсон(дзæнæтон) дуæрттæ æмæ дзуар. Иконостасы уазнывтæ мын цæттæ кæны ме ʻмкъай, нывгæнæг Ольга Перова", - загъта уый.
Иконстасы дæргъ у аст метры, йæ бæрзæнд æхсæз метры онг.
"Сæрæй йæ нæхæдæг дæр фидарæй нæ зыдтам, цы хуызы уыдзæн, фæлæ цы рауад, уый у тынг зæрдæмæдзæугæ", - загъта Sputnik фыд Симон.
