19:16 12 ЦЫППУРСЫ МÆЙ 2019
Комкоммӕ эфир
  • EUR70.43
  • USD63.23
Хуссар Иры хицауад сфидар кодта ног фӕцӕрӕн минимум

Хуссар Иры хицауад сфидар кодта ног фӕцӕрӕн минимум

© Sputnik / Александр Кряжев
Хуссар Ирыстоны
Чысыл дӕнцӕг
12 0 0

Фӕцӕрӕн минимум азы дӕргъы фӕивы ӕмӕ баст у базары ӕргътимӕ – ацы хатт банысан кодтой кӕцыдӕр хӕлцадон базайрӕгты ӕргъты фӕкъаддӕр

ЦХИНВАЛ, 27 ноя - Sputnik, Козаты Диана. Хуссар Ирыстоны хицауад ӕртыццӕджы рабадтыл сфидар кодта фӕцӕрӕн минимум азы ӕртыккаг кварталӕн.

Хуссар Ирыстоны цӕрджытӕн фӕцӕрӕн минимум ӕртыккаг ӕрдӕгазмӕ рацыд дӕс минӕй фылдӕр. Дыккаг ӕрдӕгазмӕ абаргӕйӕ (10 481 сомы), уый фӕкъаддӕр ис 468 соммӕ.

"2019 азы ӕртыккаг кварталы фӕцӕрӕн минимум рацыд 10 013 сомы сӕйраг социалон-демографион къордтӕн. Куыстхъом цӕрджытӕн – 10 740 (11 282 сомы дыккаг кварталы), пенсиисджытӕн – 8 350 сомы (8 576 сомы дыккаг кварталы), сывӕллӕттӕн – 10 885 (11 363 сомы дыккаг ӕрдӕгазы)", - загъта экономикӕйы министр Бекъойты Геннадий.

Министр банысан кодта, фӕцӕрӕн минимум кӕй фӕкъаддӕр ис кӕцыдӕр хӕлцадон базайрӕгты астӕуккаг ӕргъты фӕкъаддӕры тыххӕй.

Хицауады сӕрдар Пухаты Эрик бахахх кодта, фӕцӕрӕн минимум азы дӕргъы фӕивы ӕмӕ баст у базары ӕргътимӕ. Уый фехъусын кодта, фӕцӕрӕн минимум кӕй фӕфылдӕр уыдзӕн фидӕн азы райдайӕны, уымӕн ӕмӕ фӕфылдӕр уыдзысты базайрӕгты ӕргътӕ дӕр.

Фӕцӕрӕн минимум 2019 азы фыццаг кварталы рацыд 10 190 сомы.

Сӕйраг темӕтӕ