18:51 12 ЦЫППУРСЫ МÆЙ 2019
Комкоммӕ эфир
  • EUR70.43
  • USD63.23
Бӕрӕгбон нӕм ӕрцӕуы

Бӕрӕгбон нӕм ӕрцӕуы: Хуссар Иры улӕфт бонты тыххӕй

© Sputnik / Наталья Айриян
Хуссар Ирыстоны
Чысыл дӕнцӕг
51 0 0

Ногазон бӕрӕгбонтӕ уыдзысты цыбырдӕр – 2020 азы фыццаг кусӕгон бон уыдзӕн ӕртыццӕг, 8 ноябрь

ЦХИНВАЛ, 27 ноя - Sputnik, Гӕбӕраты Элина. Хуссар Ирыстоны Ногазон улӕфт бонтӕ райдайдзысты ӕртыццӕджы, 1 январы, ӕмӕ адаргъ уыдзысты дыццӕгмӕ, 7 январмӕ. 2019 азы 31 декабрь у кусӕгон бон Хуссар Ирыстон ӕмӕ Уӕрӕсейы дӕр, фӕлӕ Паддзахадон думӕ хорзыл банымадта хъӕппӕрис 31 декабрь улӕфт боныл банымайыны фӕдыл.

"Улӕфт бонтӕ 4 ӕмӕ 5 январы ӕрхаудысты сабат ӕмӕ хуыцаубонмӕ. Уый фӕдыл аскъуыддзаг кодтой, цӕмӕй сӕ ахӕссой 27 ӕмӕ 28 августмӕ", дзырдӕуы хицауады уынаффӕйы.

Афтӕ ма документмӕ гӕсгӕ, хицауад фехъусын кодта, 22-24 февралы ӕмӕ 7-9 марты кӕй уыдзысты улӕфт бонтӕ.

Майы улӕфт бонтӕ адаргъ уыдзысты 1-ӕй 2-ӕм маймӕ, афтӕ ма 9-ӕй 11-ӕм маймӕ ӕмӕ 29-ӕй 31 маймӕ. Республикӕйы ӕмбӕстӕгтӕн улӕфт бонтӕ уыдзысты Уӕрӕсейы боны цытӕн дӕр – 12-ӕй 14-ӕм июньмӕ.

Хуссар Ирыстоны хӕдбардзинад банымайыны бон Уӕрӕсейы Федерацийы рдыгӕй банысан кӕндзысты улӕфт бонтӕй 26-ӕй 30-ӕм августмӕ.

Цалдӕр бӕрӕгбоны уыдзӕн сентябры дӕр – Паддзахадон тырысайы бон ӕмӕ Республикӕйы бон, уымӕ гӕсгӕ Хуссар Ирыстоны цӕрджытӕн улӕфт бонтӕ уыдзысты 19-ӕй 22-ӕм сентябрмӕ.

Адӕмон иудзинад ӕмӕ хъӕбатырдзинады бон дӕр банысан кӕндзысты дӕргъвӕтин улӕфт бонтӕй – 21, 22 ӕмӕ 23 ноябры.

Сӕйраг темӕтӕ