20:13 12 ЦЫППУРСЫ МÆЙ 2019
Комкоммӕ эфир
  • EUR70.43
  • USD63.23
УФ УУМ сапертӕ

Хуссар Иры территори минӕтӕй ссыгъдӕг кӕныны куыст адарддӕр уыдзӕн 2020 азы

© Sputnik / Наталья Айриян
Хуссар Ирыстоны
Чысыл дӕнцӕг
8 0 0

Уӕрӕсейаг центр "Лидер"-ы специалисттӕ ауадздзысты республикӕйы территорийы фӕсхӕстон минӕтӕй ссыгъдӕг кӕныны фӕндзӕм этап

ЦХИНВАЛ, 28 ноя – Sputnik, Козаты Диана. Уӕрӕсейаг сапертӕ 2020 азы ссыгъдӕг кӕндзысты рӕмудзӕн ӕрмӕджытӕй Хуссар Ирыстоны территорийӕ дыууын гектарӕй фылдӕр, загъта пресс-конференцийы Sputnik УУМ сӕргълӕууӕг Цоциты Азӕмӕт. 

Уый суыдзӕн республикӕйы территорийы фӕсхӕстон минӕтӕй ссыгъдӕг кӕныны фӕндзӕм этап. Мадзӕлттӕ уагъд цӕуынц уӕрӕсейаг-хуссарирыстойнаг ӕхсӕнхицауадон бадзырды фӕлгӕтты.

"Фидӕнмӕ нывӕзты ис республикӕйы Цхинвалы районы территорийы адарддӕр кӕнын рӕмудзӕн ӕрмӕджытӕй ссыгъдӕг кӕныны куыст, йӕ иумӕйаг фӕзуат - 25 гектары", - банысан кодта министр.

Уый бамбарын кодта, зӕгъгӕ, кӕн цыппаразон программӕ кӕронмӕ бахӕццӕ, уӕддӕр республикӕйы территорийы баззад рӕмудзӕн ӕрмӕджытӕй ӕнӕсыгъдӕг фыдгуытӕ. Уыдон та тӕссаг сты цӕрджыты ӕнӕниздзинадӕн.

Азамат Чочиев
© Sputnik / Наталья Айриян
Цоциты Азӕмӕт

Сӕйраг темӕтӕ