Хъæлæсæппæрсты бæрны: цхинвайлаг вокалист конкурс "Супер Звезда"-йы бацыд финалон тохы

© Из личного архива Игоря ГаглоеваГаглойты Игорь
Гаглойты Игорь - Sputnik Хуссар Ирыстон
Рафыссын
Проекты уæлахиздзау райсдзæн Кавказы стъалыйы ном æмæ иу милуан сомы та приз, хуссарирыстойнаг минæвар Гаглойты Игоры финалмæ ахизынæн хъæуы хъæлæсæппæрст рамбулын

ЦХИНВАЛ, 2 дек — Sputnik, Плиты Фатимæ. Хуссарирыстойнаг зарæггæнæг Гаглойты Игорь (IDARCHIK) бацыд финалмæ ахизыны тохы Цæцæны республикæйы телеуынынадон конкурс "Супер Звезда"-йы. Зарæггæнæджы хъысмæт скъуыддзаг кæндзæн хъæлæсæппæрст.

Хуссарирыстойнаг зарæггæнæгæн схъæлæс кæнæн ис телефонон номыр 5577 текст - SUPER-3 арвитгæйæ.

"Знон эфиры рацыд финалы иу цыппæрæм хай, алы ахуыргæнæгæн дæр фæйнæ дыууæ хайадисæджы ахызтысты æрдæгфиналмæ. Хатдзæгтæм гæсгæ, æз дæр ахызтæн æрдæг финалмæ. Финалмæ балцæгтæ райсдзысты, фылдæр хъæлæстæ чи æрæмбырд кæна, уыдон. Хъæлæсæппæрст цæудзæн 1-9 декабры", - радзырдта Sputnik IDARCHIK.

Проект у æппæтуæрæсейон телеуынынадон конкурс "Голос"-ы æнгæс. Хуссарирыстойнаг зарæггæнæг Гаглойты Игорь æвзарæн этапы бацыд Уæрæсейы сгуыхт артист Цæрикъаты Феликсы командæмæ. Ӕрæджы ма лæппу ссис Цæгат Ирыстоны вокалон конкурс "Голос Осетии"-йы призер.

Музыкалон конкурс цæуы Цæцæны ПТРК эфиры, финалы фембæлдзысты аккагдæр зарæггæнджытæ. Уæлахиздзау райсдзæн Кавказы стъалыйы ном æмæ иу милуан сомы та приз.

Ног хабӕртты лентӕ
0