20:29 12 ЦЫППУРСЫ МÆЙ 2019
Комкоммӕ эфир
  • EUR70.43
  • USD63.23
Цхинвалы рабӕрӕг кодтой Президенты кубокы ӕрдӕгфиналы хайадисджыты

Цхинвалы рабӕрӕг кодтой Президенты кубокы ӕрдӕгфиналы хайадисджыты

Комитет по молодёжной политике, спорту и туризму РЮО
Хуссар Ирыстоны
Чысыл дӕнцӕг
13 0 0

Хуссар Ирыстоны Президенты кубок рамбулыны сӕраппонд ӕрвылазон турнир футболӕй райдыдта 25 ноябры. Ацы аз ерысты хайад исынц 16 командӕйы

ЦХИНВАЛ, 2 дек - Sputnik. Хуссар Ирыстоны Президенты кубокы финалы цыппӕрӕм хайы фыццаг хъазты фембӕлдысты "Дыргвис" ӕмӕ "Гыццыл Шанхай"-ы командӕтӕ. Республикон ерысты иууыл хуыздӕр командӕтӕй иу "Дыргвис" рамбылдта 4:0 хыгъдӕй, хъусын кӕны фӕсивӕдон политикӕ, спорт ӕмӕ туризмы комитеты пресс-службӕ.

Финалы цыппӕрӕм хайы фембӕлдысты "Хъайтарты" ӕмӕ "Массивы" командӕтӕ. Хъазт рауад тынг цымыдисон – дыууӕ командӕйы футболисттӕ дӕр тох кодтой буртийыл, тох цыд быдыры алкӕцы хайыл дӕр.

"Тох цыд фембӕлды фӕстаг минутты онг. Хъазджытӕ арӕзтой тӕссаг моменттӕ, фӕлӕ хъазты сӕйраг рӕстӕг ахицӕн 0:0 хыгъдӕй", - дзырдӕуы хъусинаджы.

Сӕйраг хайы фӕстӕ пенальтиты рӕстӕджы ӕнтыстджындӕр разындысты фароны турниры уӕлахиздзаутӕ, "Хъайтарты" командӕйы футболисттӕ – уыдон рамбылдтой 3:1 хыгъдӕй.

Сом, 3 декабры, республикон стадионы ацӕудзысты финалы цыппӕрӕм хайы ӕндӕр хъӕзтытӕ "Цхинвалы ветерантӕ" ӕмӕ "Знауыры" хсӕн, афтӕ ма "Целинников" ӕмӕ "Шанхай"-ы командӕйы хсӕн.

Сӕйраг темӕтӕ