08:38 09 ЦЫППУРСЫ МÆЙ 2019
Комкоммӕ эфир
  • EUR70.76
  • USD63.72
Æфстау хæдзар: кæд уыдзæн ипотекæ Хуссар Иры

Æфстау хæдзар: кæд уыдзæн ипотекæ Хуссар Иры

© Sputnik / Антон Денисов
Хуссар Ирыстоны
Чысыл дӕнцӕг
230 0 0

Цæрæнуаты проблемæ Хуссар Иры ис иууыл ахадгæдæрты нымæцы, хицауадæй фатер райсынмæ æнхъæлмæ кæсынц мингай бинонтæ

ЦХИНВАЛ, 4 дек - Sputnik, Плиты Фатимæ. Хуссар Иры 2008 хæстæй фæстæмæ нæ нымæг кæны ног хæдзæртты арæзтад, уыимæ иумæ рæзы, хицауадæй æнæаргъ хæдзар райсын кæй фæнды, уыдон нымæц дæр. Ӕхсæнад æмæ социалон хызæгтæ ссисты къамисты æфхæрæн фæзуат.

Мингай адæймæгтæ кæм ис, ахæм радты лæууын, дам-думтæ æхца кæмæн хъæуы "бахъуызын" кæнын æмæ Дзæуджыхъæуы куыд æнцон у ипотекæйæ цæрæнуат райсын, уыдон тыххæй æхсæнады дзырд цæуы æдзух.

Ипотекæ ныббиноныг кæнын Хуссар Иры сæ нывæзтты æнхъардтой æвзæрстон кампанийы президенты бынатмæ цалдæр кандидаты. Фæлæ хъуыддаг размæ нæ цæуы.

"Дыууæ азæй фылдæр фæцардтæн æххуырст хæдзары. Банымадтон сæ, уыцы æмгъуыд доны кæй бакалдтам 200 мин сомæй фылдæр. Дыууæ саби хъуыд дарын. Бинонтæ кусæм, фæлæ хæдзары фаг æхца æрæмбырд кæнын нæ сæрæн никуыд уыдыстæм, стæй ма муртæ хордта цæрæнуатæн фидтон дæр. Уый фæстæ райстон хæстæ, кредит, мады капитал райстон цухæй æмæ аразинаг фатер балхæдтон. Ипотекæ нын нæ цард тынг фенцон кодтаит, фæлæ кæм ис...", - радзырдта горæты цæрæг Оксана.

Хæдзары фаг æрæмбырд кæнын йæ бон кæмæн нæу, уыдон сæхи Дзæуджыхъæуы ипотекæйыл бафтауынц.

"Ӕз Цхинвалы цæрын æмæ мæ хæдзар дæр ам хъуыд, фæлæ æнæбарæй бахъуыд балхæнын Дзæуджыхъæуы. Ипотекæйæ райстон иухатæнон хæдзар. Дыууæ азы дæргъы йæ фæфыстон æмæ мын слæууыд 1 милуан æмæ æрдæджы бæрц. Бæргæ у аразинæгтæ, фæлæ мын ныр мæхи къуым ис", - загъта Хуыгаты Агуындæ.

Хæсты фæстæ Хуссар Иры сарæзтой æнæхъæн микрорайонтæ - "Мæскуыйаг", "Хурзæрин", "Цæгаттаг", бирæуæладзыгон хъæдзæрттæ фæзынд Хъайтарты уынгыл, Гуыбаты æфсымæрты уынгыл, фæлæ уæддæр цæрæнуаты проблемæ не 'скъуыддзаг кæны. Хицауады ныфс дæттынц æрбалæугæ аз ипотекæйы хъуыддаг Хуссар Иры дæр фенкъуысын кæнынæй.

"Ис æмбарынад, ипотекæ Хуссар Ирыстоны кæй хъæуы. Уый нымæцы æрмæст ипотекæйон кредит райсын банкæй нæ, фæлæ фатер райсын æмæ йын стæй йæ аргъ æмгъуыдгай фидыны фадат саразын. Президент радта хæслæвæрд юстицийы министрадæн, цæмæй бацæттæ кæной закондæттæн бындур", - загъта Sputnik президенты пресс-секретарь Гасситы Дина.

 

Сӕйраг темӕтӕ