03:02 26 ÆРТХЪИРÆНЫ МÆЙ
 2020
Комкоммӕ эфир
  • EUR70.46
  • USD64.92
Хуссар Ирыстоны
Чысыл дӕнцӕг
1210

Авари æрцыд Сталины æмæ Советон уынгты алвæндагыл. Патрулон службæйы хæдтулгæ фæцæйскъæрдта фæсидтмæ судзгæ мигалкæтæ æмæ спецсигналимæ, загъдтой МХМ-йы

ЦХИНВАЛ, 21 янв — Sputnik, Козаты Диана. Милицийы УАЗ, кæцы сымбæлдис фæсарайнаг хæдтулгæйыл Цхинвалы алвæндагтæй иуыл, тагъд кодта фæсидтмæ æмæ цыд сæрмагонд сигнæлттимæ, загъдтой Sputnik МХМ-йы пресс-службæйы.

ФТЦ æрцыд Сталины æмæ Советон уынгты алвæндагыл. Мидхъуыддæгты министрады горæты хайады "Уазик" сымбæлд фæсарайнаг хæдтулгæ Mitsubishi Pajero-йыл.

"Шофыр нæ ауагъта судзгæ мигалкæтæ æмæ сæрмагонд сигналимæ хæдтулгæйы", - загъдта МХМ-йы пресс-службæйы кусæг Джиоты Алик.

Паддзахадон автоинспекцийы хистæры хæдивæг Ходты Сергейы ныхæстæм гæсгæ, фæндагон змæлды архайджытæ хæсджын сты радтын фæндаг кусгæ сæрмагонд сигнæлтимæ хæдтулгæтæн.

"Автотранспорты хицæуттæм сидæм, цæмæй фадат дæттой УУМ, тагъд æххуыс, МХМ-йы кусджытæн сæ куыст æххæст кæнынæн, кæцытæ скъæрынц сæрмагонд сигнæлттимæ, уымæн æмæ сæ тагъд архайдимæ баст вæййы адæмы цард", - загъта уагдоны минæвар.

Цауыл дзургæйæ, Ходты Сергей банысан кодта, фæндагон-транспортон цауы лыстæгдзинæдтæ кæй сгары Паддзахадон автоинспекци.

Сӕйраг темӕтӕ