07:34 06 ХУЫМГÆНÆНЫ МÆЙ 2020
Комкоммӕ эфир
  • EUR85.74
  • USD77.73
Хуссар Ирыстоны
Чысыл дӕнцӕг
45610

Уымæй размæ Уалыты Виталий куыста ирон æвзаг æмæ литературæйы ахуыргæнæгæй æмæ барадхъахъхъæнæг органты

ЦХИНВАЛ, 6 фев – Sputnik, Плиты Фатимæ. Дзауы районы администрацийы сæрдары хæдивæгæй нысан æрцыд раздæры барадхъахъхъæнæг органты кусæг Уалыты Виталий, фехъусын кодтой Sputnik районы пресс-службæйы.

Ацы бынаты уый раивта дзæнæттаг Джиоты Валентины.

"Дзауы районы администрацийы хистæр Джиоты Андрейы барамындæй районы хистæры хæдивæгæй нысан æрцыд Уалыты Виталий. Цыппæрæмы коллективæн бавдыстой ног кусæджы", - загътой пресс-службæйы.

Уым ма банысан кодтой, Уалыты Виталий йæ ног бынаты дзуапп дæтдзæн официалон документтæ æмæ хъуыддаджы суагъæтæн.

Биографи

Уалыты Сулханы фырт Виталий райгуырд 1966 азы 27 майы Дзауы районы Кърозы хъæуы.

1984 -1986 æзты службæ кодта Советон æфсады.

1990 каст фæцис Хуссар Ирыстоны педагогон институт ирон æвзаг æмæ литературæ æмæ немцаг æвзаджы факультет.

1992- 1994 æзты куыста ирон æвзаг æмæ литературæйы ахуыргæнæгæй Дзауы скъола-интернаты.

1994 -2003 æзты куыста Мидхъуыддæгты министрады Дзауы районы агуырды хайады.

2003 -2005 æзты уыд Дзауы РМХУ штабы хистæр.

2005 -2017 æзты куыста Дзауы районы Мидхъуыддæгты хайады хистæры хæдивæгæй.

Хуссар Ирыстоны президенты барамындмæ гæсгæ, хорзæхджын æрцыд майдан "В ознаменование 25-летия РЮО".

Сӕйраг темӕтӕ