ЦХИНВАЛ, 18 фев – Sputnik, Козаты Диана. "Юг-Телеком" интернет-операторы абонентты хай хъаст кӕнынц, фӕстаг рӕстӕджы Цхинвалы бастдзинады гъӕд кӕй февзӕрдӕр ис. Пайдагӕнджыты ныхӕстӕм гӕсгӕ, проблемӕтӕ фӕзынынц изӕры – интернет кӕнӕ ӕвзӕр кусы, кӕнӕ та бынтондӕр ахицӕн вӕййы.
"Юг-Телеком" бахызт Хуссар Ирыстоны бастдзинады базармӕ 2018 азы. 2019 азы уыдон райдыдтой Цхинвалы цур хъӕумӕ уадзынц хызӕгтӕ.
"Ӕз пайда кӕнын 1200 сомы аргъ пакетӕй. Фӕстаг рӕстӕджы интернеты гъӕд февзӕрдӕр. Мӕ хъуыдымӕ гӕсгӕ, проблемӕтӕ баст сты абоненттӕ кӕй фылдӕр кӕнынц, уыимӕ", - загъта микрорайон "Мӕскуыйаг"-ы цӕрӕг Андрей.
Куыд рабӕрӕг, афтӕмӕй интернетимӕ проблемӕтӕ вӕййы столицӕйы ӕндӕр районты цӕрджытӕн дӕр.
Абонентты аннӕ хай та райгонд у операторы куыстӕй. Уыдон не сбӕрӕг кодтой интернетимӕ проблемӕтӕ.
Интернет-провайдер "Юг-Телеком"-ы генералон директор Коцты Григорий загъта Sputnik, дыууӕ боны размӕ кӕй уыд проблемӕ электроэнергиимӕ, ӕмӕ интернет ахицӕн 15-20 минутмӕ, уымӕй дарддӕр ифтоггарзӕн фехӕлдтӕ нӕ уыд.
Уый фидарӕй загъта, проблемӕтӕ баст кӕй не сты республикӕйы абонентты нымӕцы фӕфылдӕримӕ.
"Махӕн нӕ бон у баиу кӕнын интернетмӕ ноджы фондз Цхинвалы", - загъта Коцты Григорий.
Коцты Григорий бахахх кодта, 1200 сомы аргъ пакетӕй сӕ бон пайда кӕнын у ӕнӕ проблемӕтӕй цыппар-фондз адӕймагӕн.
Ныртæккæ горæт Цхинвал, йæ микрорайонтæ, æмæ ма горæтмæ хæстæг Тъбеты хъæу дæр ифтонг сты кабелон бастдзинад "Юг-Телеком"-ы хызæгтæй.
