03:09 04 СУСÆНЫ МÆЙ
 2020
Комкоммӕ эфир
  • EUR79.22
  • USD70.50
Хуссар Ирыстоны
Чысыл дӕнцӕг
62 0 0

Равдысты нывтæ цæсты хауынц ирд ахорæнтæй – пейзажтæ, натюрморттæ, графикæ, портреттæ æмæ æндæр здæхæнты нывтæ иууылдæр сты сывæллæтты конд

ЦХИНВАЛ, 21 фев - Sputnik, Плиты Фатимæ. Цхинвалы бакодтой сывæллæтты нывты равдыст. ПККЗ "Чермен"-йы фойе сфæлыстой Цхинвалы районы Цъунары хъæууон студийы чысыл нывгæнджыты куыстытæ.

В Цхинвале открыли выставку детских рисунков
Sputnik / Фатима Плиева
Цхинвалы бакодтой равдыст

Сывæллæтты куыстыты равдыст бакодтой Фыдыбæстæ хъахъхъæнæджы бонмæ. Мадзал сарæзта Цъунары скъолайы нывгæнæн студи Цхинвалы районы культурæйы хайады æмархайдæй.

"Студийы сывæллæттæ сæ куыстыты æвдисынц Ирыстоны æрдз æмæ царды композицитæ. Нæ хъомылгæнинæгтæй дзы алкæй куыстытæ дæр ис. Фæнды нæ ацы равдыстмæ фæхонын аннæ скъолаты сывæллæттæ дæр", - загъта Гæбæраты Борис.

Равдысты нывтæ цæсты хауынц ирд ахорæнтæй – пейзажтæ, натюрморттæ, графикæ, портреттæ æмæ æндæр здæхæнты нывтæ иууылдæр сты сывæллæтты конд.

  • Цхинвалы бакодтой равдыст
    Цхинвалы бакодтой равдыст
    Sputnik / Фатима Плиева
  • Цхинвалы бакодтой равдыст
    Цхинвалы бакодтой равдыст
    Sputnik / Фатима Плиева
  • Цхинвалы бакодтой равдыст
    Цхинвалы бакодтой равдыст
    © Sputnik / Фатима Плиева
  • Цхинвалы бакодтой равдыст
    Цхинвалы бакодтой равдыст
    © Sputnik / Фатима Плиева
1 / 4
Sputnik / Фатима Плиева
Цхинвалы бакодтой равдыст

"Ӕдæппæт равдысты фенæн ис 60 нывы, уыдон скодтой 17 скъоладзауы. Студийы куыстæн ис хорз фæстиуджытæ, хъомыл кæнæм хорз фæсивæд, кæцыдæртæ аскъуыддзаг кодтой сбæттын сæ фидæн ныв кæныны хъуыддагимæ", - загъта студийы ахуыргæнæг Хуыбиаты Роберт.

Уый ма банысан кодта, сæ хъомылгæннинæгтæ æдзух кæй свæййынц æхсæнадæмон конкурсты лауреаттæ.

Цъунары скъолайы нывгæнæн студийæн размынад дæтты Хуссар Ирыстоны адæмон нывгæнæг Гæбæраты Борис, ахуыргæнджытæй дзы кусынц Хуыбиаты Роберт æмæ Зæгъойыты Игнат. Студи кусы фондз азы дæргъы.

В Цхинвале открыли выставку детских рисунков
Sputnik / Фатима Плиева
Цхинвалы бакодтой равдыст

Сӕйраг темӕтӕ