19:44 28 ТÆРГÆЙТТЫ МÆЙ
 2020
Комкоммӕ эфир
  • EUR85.74
  • USD77.73
Хуссар Ирыстоны
Чысыл дӕнцӕг
15910

Хуссар Ирыстоны хъайтар, уæлдæр æфсæддон хорзæхы кавалер Галуанты Олегæн мемориалон фæйнæг бакодтой Цхинвалы

ЦХИНВАЛ, 26 фев— Sputnik, Плиты Фатимӕ. Хусссар Ирыстоны хъахъхъæнынады министрады кусæг, орден "Уацамонгæ"-йы кавалер Галуанты Олегæн Цхинвалы йæ хæдзары сисыл бакодтой мемориалон фæйнæг. Ирыстоны хъайтары ном сæнусон кæныны фæнд фæзынд йе ʻмгæрттæм.

Галуанты Олег фæмард 2008 азы хæсты тæмæны, йæ ном йын сæнусон кодтой мемориалон фæйнæджы Цхинвалы, Мамсыраты Хадзы-Умары уынгыл, 7 хæдзары.

"Хæсты хъайтартæн сæ фылдæрæн ис мемориалон фæйнæджытæ. Бафæндыд нæ, аккаг æфсæддон æмæ хорз æмгары ном сæнусын кæнын æмæ йын бакодтам мемориалон фæйнæг. Ноджы ма иу хъайтары ном сæнусон кæндзыстæм æввахс рæстæджы", - загъта Sputnik йе ʻмкусæг.

Галуанты Олег райста уæлдæр ахуыр Курскы экономикæйы хаххыл. 2004 азы æрыздæхт Цхинвалмæ,  дæлбулкъон службæ кодта Хъахъхъæныны министрады, уыд разæсгарджыты взводы командир.

Йе ʻмкусджыты мысинæгтæм гæсгæ, уый уыд тынг æнувыд йæ куыстыл, æгæрыстæмæй йæ мызд дæр хардз кодта сæрмагонд литературæ æмæ æфсæддон ифтонгадыл.

2008 азы хæсты рæстæджы уыд Цхинвалы фидауынгæнæг тыхты бæстыхайы Шанхайы, уырдыгæй уый лæвæртта дырыс бæрæггæнæнтæ, цы бæнæттæм хъæуы æхсын, уый фæдыл. 32-аздзыд 2008 азы хæсты уæззау цæфты фæстиуæгæн фæмард.

Олегу Галаванову открыли мемориальную доску в Цхинвале
© Sputnik / Фатима Плиева
Хуссар Иры хъайтар Галуанты Олегы ном сæнусон кодтой Цхинвалы

Сӕйраг темӕтӕ