11:53 14 ХУЫМГÆНÆНЫ МÆЙ 2021
Комкоммӕ эфир
  • EUR91.92
  • USD77.25
Хуссар Ирыстоны
Чысыл дӕнцӕг
25 0 0

Ныййарджытӕ ӕмӕ Хъахъххъӕнынады министрады къухдариуӕгад ӕрдзырдтой курсантты ахуыр ӕмӕ сӕ цӕрыны уавӕртыл Уӕрӕсейы ахуырадон уагдӕтты

ЦХИНВАЛ, 6 мар — Sputnik. Хуссар Ирыстоны курсанттӕн, кӕцытӕ ахуыр кӕнынц Уӕрӕсейы ахуырадон уагдӕтты, сарӕзтой иттӕгхорз уавӕртӕ, фехъусын кодта республикӕйы хъахъхъӕнынадон уагдоны сӕргълӕууӕг Гассеты Ибрагим курсантты ныййарджытимӕ фембӕлдыл.

Уагдоны пресс-службӕйы хистӕр Чехойты Инга куыд хъусын кӕны, афтӕмӕй министр ӕрӕмбырд кодта Уӕрӕсейы ӕфсӕддон ахуырадон уагдӕтты курсантты ныййарджыты.

Фембӕлды рӕстӕджы ӕрныхас кодтой курсантты ахуыр ӕмӕ цӕрыны уавӕртыл.

Министр загъта иууыл хуыздӕр курсантты ӕмӕ банысан кодта, республикӕ сӕ сӕрыстыр кӕй у.

"Стыр бузныг уын, ахӕм сывӕллӕтты кӕй схъомыл кодтат. Уыдон сӕрыстырӕй хъахъхъӕнынц Хуссар Ирыстоны кад", - бафтыдта Гассеты Ибрагим.

Хъахъхъӕнынады министр бахахх кодта, курсанттӕ хъуамӕ ӕмбарой, кӕй ахуыр кӕнынц Уӕрӕсейы иууыл хуыздӕр ахуырадон уагдӕтты.

Министр бафтыдта, зӕгъгӕ, ӕвзӕр ӕнтыстимӕ курсанттӕм сӕ цӕст хъуамӕ дарой ныййарджытӕ.

Ибрагим Гассеев встретился с родителями югоосетинских курсантов российских военных вузов
Пресс-служба МО РЮО
Гасситы Ибрагим фембӕлд уӕрӕсейаг ӕфсӕддон ахуырадон уагдӕтты курсантты ныййарджытимӕ

Абитуриентттӕн Хуссар Ирыстонӕй ис фадат ахуыр кӕнын уӕрӕсейаг ӕфсӕддон ахуырадон уагдӕтты Хуссар Ирыстон ӕмӕ Уӕрӕсейы хъахъхъӕнынады министрӕдты хсӕн ӕхсӕнуагдонон бадзырдты руаджы.

2010 азы Уӕрӕсе ӕмӕ Хуссар Ирыстоны хъахъхъӕнынады министрӕдты хсӕн бафыстой контракт, кӕцымӕ гӕсгӕ республикӕйы ӕмбӕстӕгтӕ ахуыр кӕнынц Уӕрӕсейы ӕфсӕддон ахуырадон уагдӕтты. 2019 азы Хъахъхъӕнынады министрады хаххыл Хуссар Ирыстон райста 90 бынаты УФ ӕфсӕддон ахуырадон уагдӕтты.

Сӕйраг темӕтӕ