18:47 01 ХУЫМГÆНÆНЫ МÆЙ 2020
Комкоммӕ эфир
  • EUR85.74
  • USD77.73
Хуссар Ирыстоны
Чысыл дӕнцӕг
9 0 0

Экспозици, кӕцыйыл бавдыстой скъоладзаутӕ ӕмӕ сӕ ахуыргӕнджыты куыстытӕ, нывонд уыд уалдзӕг ӕмӕ сылгоймаг-ахуыргӕнӕгӕн

ЦХИНВАЛ, 12 мар — Sputnik, Хъуылымбегты Зӕлинӕ. Хуссар Ирыстоны столицӕйы Аивӕдты лицейы ацыд ахуыргӕнджытӕ ӕмӕ скъоладзауты иумӕйаг аивадон равдыст.

Экспозицийы бавдыстой 3-11 кълӕсты ахуыргӕнинӕгты куыстытӕ. Кӕстӕр кълӕсты скъоладзауты нывтыл фылдӕр бӕрцӕй ӕвдыст цӕуынц дидинтӕ ӕмӕ гагадыргътӕ. Хистӕркъласонтӕ та сӕ куыстыты равдыстой сылгоймӕгты сурӕттӕ. Афтӕ ма равдысты бавдыстой скъолайы ахуыргӕнджыты куыстытӕ дӕр. Уый уыд хыгъдлӕвӕрд скъоладзаутӕ ӕмӕ сӕ ныййарджыты раз, цӕмӕй уыдон ӕмбарой – ахуыргӕнджытӕ ӕрмӕст ахуыр нӕ кӕнынц, фӕлӕ ныв кӕнын дӕр зонынц.

Выставка в Лицее искусств
© Sputnik / Наталья Айриян
Равдыст Аивӕдты лицейы

Равдысты организатор, сурӕтгӕнӕн аивады хайады ахуыргӕнӕг Дзӕгъиаты Альбина куыд банысан кодта, афтӕмӕй хайадисджытӕ иууылдӕр, сӕйраджыдӕр, сабитӕ, бӕрнон ахаст дардтой равдыстмӕ, уыдон цыбыр ӕмгъуыдмӕ бакодтой стыр куыст.

"Мӕ хъуыды равдыст ауадзыны фӕдыл сывӕллӕттӕ хорзыл банымадтой ӕмӕ уайтагъд райдыдтой кусын. Уыдон сныв кодтой хорз куыстытӕ ӕмӕ бацӕттӕ кодтой сӕ нывтӕ равдыстмӕ", - бафтыдта Дзӕгъиаты Альбина.

Ӕввахс рӕстӕджы нывӕндынц ауадзын цалдӕр мадзалы, кӕцытӕ нывонд сты Стыр Уӕлахизы 75 азӕн, цы ран хайад исдзысты Лицейы ахуыргӕнинӕгтӕ дӕр.

  • Равдыст Аивӕдты лицейы
    Равдыст Аивӕдты лицейы
    © Sputnik / Наталья Айриян
  • Равдыст Аивӕдты лицейы
    Равдыст Аивӕдты лицейы
    © Sputnik / Наталья Айриян
  • Равдыст Аивӕдты лицейы
    Равдыст Аивӕдты лицейы
    © Sputnik / Наталья Айриян
1 / 3
© Sputnik / Наталья Айриян
Равдыст Аивӕдты лицейы

Сӕйраг темӕтӕ