Хуссар Иры УУМ минӕвӕрттӕ хайад райстой ӕхсӕнадӕмон конференцийы Сочийы

© МЧС РЮОХуссар Иры УУМ минӕвӕрттӕ хайад райстой ӕхсӕнадӕмон конференцийы Сочийы
Хуссар Иры УУМ минӕвӕрттӕ хайад райстой ӕхсӕнадӕмон конференцийы Сочийы - Sputnik Хуссар Ирыстон
Рафыссын
Конференцийы хайадисджытӕ ӕрдзырдтой агурӕн-ирвӕзынгӕнӕн службӕты куысты принциптыл алыгъуызон бӕстӕты

ЦХИНВАЛ, 18 мар - Sputnik, Гӕбӕраты Элина. Хуссар Ирыстоны Уӕлвӕткон уавӕрты министрады (УУМ) делегаци хайад райста зонадон-практикон конференцийы, кӕцы нывонд уыд Уӕрӕсейы УУМ Хуссар регионалон агурӕн-ирвӕзынгӕнӕн къорды сӕвзӕрдыл 25 азы сӕххӕсты цытӕн, хъусын кӕны уагдоны пресс-секретарь Тедеты Роза.

Хуссар Иры схорзӕхджын кӕндзысты Цхинвалы цур бырондоны зынгсирвӕзт хуыссынгӕнджыты - Sputnik Хуссар Ирыстон
Хуссар Иры схорзӕхджын кӕндзысты Цхинвалы бырондоны зынгсирвӕзт хуыссынгӕнджыты

"Мадзалы хайад райстой Хуссар Ирыстоны уӕлвӕткон уавӕрты министры фыццаг хӕдивӕг Бестауты Ацӕмӕз, агурӕн-ирвӕзынгӕнӕн къорды хистӕр Чехойты Алан ӕмӕ йӕ хӕдивӕг Марданты Дмитрий", - банысан кодта Тедеты Роза.

Афтӕ ма конференцийы хайадисджытӕ уыдысты ирвӕзынгӕнӕн ӕмӕ зынгфӕдисон къордты разамонджытӕ Германи, Швейцари, Франци, Абхаз, Азербайджан, Австри, Финлянди ӕмӕ Беларусийӕ.

Пресс-службӕйы ма банысан кодтой, Бестауты Ацӕмӕз республикӕйы УУМ къухдариуӕгады номӕй кӕй раарфӕ кодта Хуссар регионалон агурӕн-ирвӕзынгӕнӕн къорды кусджытӕн 25 азы юбилейы цытӕн.

"Конференцийы теоретикон хайы фӕлгӕтты мадзалы хайадисджытӕ ӕрдзырдтой агурӕн-ирвӕзынгӕнӕн службӕты куысты принциптыл алыгъуызон бӕстӕты, афтӕ ма технологиты райрӕзты фарстытыл дӕр", - бахахх кодта пресс-секретарь.

Хуссар регионалон агурӕн-ирвӕзынгӕнӕн къорды территорийыл ацыд тренировкӕ, кӕцыйы рӕстӕджы пайда кодтой аварийон-ирвӕзынгӕнӕн техникӕ ӕмӕ ифтонггарзӕй.

Ног хабӕртты лентӕ
0