Хуссар Иры рӕстдинонтӕм ӕрсидтысты ма цӕуын дзуары службӕтӕм

© Sputnik / Фатима ПлиеваХуссар Иры рӕстдинонтӕм ӕрсидтысты ма цӕуын дзуары службӕтӕм
Хуссар Иры рӕстдинонтӕм ӕрсидтысты ма цӕуын дзуары службӕтӕм - Sputnik Хуссар Ирыстон
Рафыссын
Республикӕйы абоны бон не сбӕрӕг кодтой коронавирусӕй фӕрынчынуӕвджыты, фӕлӕ дунейы сӕ нымӕц фылдӕр кӕны ӕрвылбон, банысан кодта Хуыбиаты Соня

ЦХИНВАЛ, 30 мар – Sputnik, Козаты Диана. Дины хъуыддӕгты фӕдыл ӕххӕстбарджын минӕвар Хуыбиаты Соня ӕрсидт Хуссар Ирыстоны динамонджытӕ ӕмӕ ӕмбӕстӕгтӕм, цӕмӕй карантины рӕстӕджы ма цӕуой ӕмӕ хайад ма исой дзуары службӕты.

Хуссар Ирыстоны 28 мартӕй фӕстӕмӕ ист ӕрцыдысты уӕлӕмхасӕн карантинон мадзӕлттӕ – ахуырадон уагдӕттӕй дарддӕр сӕхгӕдтой ӕхсӕнадон бынӕттӕ ӕмӕ базарадон объекттӕ, кусынц ӕрмӕстдӕр хӕлцадон дуканитӕ ӕмӕ афтектӕ.

"Мӕ хӕсыл нымайын ӕрсидын Хуссар Ирыстоны динамонджытӕ ӕмӕ ӕмбӕстӕгтӕм, цӕмӕй карантины рӕстӕджы ма цӕуой ӕмӕ хайад ма исой дзуары службӕты. Сидын республикӕйы динон организациты разамонджытӕм, цӕмӕй ма уадзой массон мадзӕлттӕ", - хъусын кӕны Хуыбиаты Соняйы ныхӕстӕ дины хъуыддӕгты фӕдыл ӕххӕстбарджын минӕвары аппарат.
© Sputnik / Наталья АйриянХуыбиаты Соня
Хуссар Иры рӕстдинонтӕм ӕрсидтысты ма цӕуын дзуары службӕтӕм - Sputnik Хуссар Ирыстон
Хуыбиаты Соня

Хуыбиаты Соня бахахх кодта, кӕй йӕм ӕрбацыд информаци, ома кӕцыдӕр динон иугондты минӕвӕрттӕ, сӕйраджыдӕр, "Свидетели Иеговы" парахат кӕнынц дам-думтӕ, тагъд бӕстысӕфт кӕй уыдзӕн.

"Ахӕм дам-думтӕ кӕцы динон организацитӕ парахат кӕной, уыдоны минӕвӕртты ӕрбаздахдзыстӕм бӕрнмӕ", - фехъусын кодта ӕххӕстбарджын минӕвар.

Амӕйразмӕ Хуссар Ирыстоны тобæ сæвæрдтой фæсарæйнаг æмбæстæгтæн республикæйы территоримæ æрбахизыныл, арæнæвæрд нæ хауы æрмæстдæр уæрæсейæгтæм, афтӕ ма сӕхгӕдтой уадзӕн пункттӕ Гуырдзыстонимӕ паддзахадон арӕныл. Уымӕй дарддӕр тобӕ сӕвӕрдтой культурон ӕмӕ спортивон мадзӕлттӕ ауадзыныл.

Ног хабӕртты лентӕ
0