"Хуссар Ирмӕ не ‘рбауадздзыстӕм коронавирус Гуырдзыйӕ" – Медойты Дмитрий

© Sputnik / Наталья АйриянМедойты Дмитрий
Медойты Дмитрий - Sputnik Хуссар Ирыстон
Рафыссын
Министр загъта йӕ хъуыды гуырдзиаг политикты куырдиаты тыххӕй Хуссар Ирыстоны эпидемиологон уавӕры фӕдыл

ЦХИНВАЛ, 3 апр - Sputnik. Гуырдзыстонимӕ арӕны режимы фехӕлдты нымӕц кӕй фӕфылдӕр, уый дзуры ууыл, ӕмӕ Гуырдзыстоны ис гуманитарон катастрофӕ – адӕм "лидзынц сӕ бӕстӕйӕ, цӕмӕй фервӕзой коронавирусӕй", фехъусын кодта Хуссар Ирыстоны фӕсарӕйнаг хъуыддӕгты министр Медойты Дмитрий.

Ленингор - Sputnik Хуссар Ирыстон
Хуссар Ир рӕстӕгмӕ тобӕ сӕвӕрдта Гуырдзыстонмӕ хоскӕнынмӕ цӕуыныл

"Мах мӕт кӕнӕм Гуырдзыстоны адӕмыл коронавирусы апарахаты тыххӕй, фӕлӕ уый, фыццаджыдӕр, у гуырдзиаг хицауады проблемӕ, кӕцы нӕ хъусын кӕны бӕстӕйы эпидемийы ӕцӕг масштабтӕ", - хъусын кӕны министры ныхӕстӕ ФХМ пресс-службӕ.

Медойты Дмитрий бауынаффӕ кодта Гуырдзыстоны хицауадӕн, цӕмӕй сӕ хъус ӕрдарой сӕхи адӕммӕ, Хуссар Ирыстоны вирусимӕ уавӕр та ис республикӕйы къухдариуӕгады хъусдарды бын.

"Мах не ‘рбауадздзыстӕм коронавирус Хуссар Ирыстонмӕ Гуырдзыстоны территорийӕ", - бахахх кодта министр.

Гуырдзыстоны 21 мартӕй фӕстӕмӕ ис уӕлвӕткон уавӕр, фӕстӕдӕр хицауад бакодта карантин. Официалон бӕрӕггӕнӕнтӕм гӕсгӕ, Гуырдзыстоны коронавирусӕй фӕрынчынуӕвджыты нымӕц 3 апрельмӕ у 148 адӕймаджы.

Хуссар Ирыстоны абоны бон не сбӕрӕг кодтой COVID-19-ӕй фӕрынчынуӕвджыты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Дунейы вирусӕй ныридӕгӕн фӕрынчын сты 1 милуан адӕймагӕй фылдӕр 181 бӕстӕйы, сӕ фылдӕр хайӕн схос кодтой, 51 мин адӕймагӕй фылдӕр фӕмард сты.

Ног хабӕртты лентӕ
0