11:06 25 ДЖЕОРГУЫБАЙЫ МÆЙ
 2020
Комкоммӕ эфир
  • EUR89.89
  • USD75.81
Хуссар Ирыстоны
Чысыл дӕнцӕг
12 0 0

Паддзахады сӕргълӕууӕг ахӕм скъуыддзаг рахаста, цӕмӕй сӕххӕст кӕной республикӕйы санитарон-эпидемиологон нормӕтӕ коронавирусы апарахаты рӕстӕджы

ЦХИНВАЛ, 7 апр - Sputnik. Хуссар Ирыстоны президент Бибылты Анатолий фехъусын кодта, 8-ӕй 20-ӕм апрлельмӕ кӕй уыдзысты ӕнӕкусӕгон бонтӕ, ацы период кусджытӕн фиддзысты сӕ мызд. Барамынд ныммыхуыр кодтой паддзахады сӕргълӕууӕджы сайтыл.

Ацы мадзал райстой, цӕмӕй цӕмӕй сӕххӕст кӕной республикӕйы санитарон-эпидемиологон нормӕтӕ ног коронавирусон инфекци COVID-19-ы апарахаты рӕстӕджы.

Барамынды дзырдӕуы, йӕ архайд кӕй нӕ хауы медицинон уагдӕттӕ ӕмӕ афтекты куыстмӕ, афтӕ ма ӕппынӕдзух архайгӕ организацитӕм. Уымӕй дарддӕр, сӕ куыст адарддӕр кӕндзысты дуканитӕ, кӕцытӕ уӕй кӕнынц хӕлцадон продукттӕ ӕмӕ фыццаг хъӕуындзинады базайрӕгтӕ. Афтӕ ма, барамындмӕ нӕ хауынц организацитӕ, кӕцытӕ ӕххӕст кӕнынц куыстытӕ Уӕлвӕткон уавӕры рӕстӕджы ӕмӕ организацитӕ, кӕцытӕ ӕххӕст кӕнынц цалцӕггӕнӕн куыстытӕ.

Сӕ куыст не 'руромдзысты финансон уагдӕттӕ, стратегион куыстуӕттӕ ӕмӕ ӕнӕсцухӕн рауагъдадтӕ, кӕцыты номхыгъд сбӕрӕг кодта РХИ экономикон райрӕзты министрад.

Президент банхъардта паддзахадон органтӕ ӕмӕ организацитӕм сбӕрӕг кӕнын сӕ кусджыты нымӕц, цӕмӕй ацы уагдӕттӕ ӕххӕст кӕной сӕ куыст ӕнӕкусӕгон бонты. Уый хауы Паддзахадон дзыллон-информацион фӕрӕзтӕм дӕр.

Барамынд бахызт йӕ тыхы 7 апрелы.

Хуссар Ирыстоны ныридӕгӕн не сбӕрӕг кодтой коронавирусӕй фӕрынчынуӕвджыты. Республикӕйы хицауад сабаты бакодта уӕлӕмхасӕн карантинон мадзӕлттӕ республикӕйы коронавирусы апарахат ма ‘руадзыны нысанӕн. Уӕрӕсеимӕ арӕн кӕронмӕ сӕхгӕдтой 12 апрелы онг. Марты республикӕйы къухдариуӕгад фехъусын кодта Гуырдзыстонимӕ паддзахадон арӕны сӕхгӕды тыххӕй. Республикӕйы ӕхгӕд сты ахуырадон уагдӕттӕ ӕмӕ ӕхсӕнадон бынӕттӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

Сӕйраг темӕтӕ