ЦХИНВАЛ, 16 апр - Sputnik, Гӕбӕраты Элина. Хуссар Ирыстоны столицӕйы Куадзӕны бӕрӕгбоны размӕ ӕфснайынц Згъудеры уӕлмӕрд.
"Куыстыты хайад исынц горӕты хӕрзарӕзтады управленийы 60 кусӕджы ӕмӕ техникӕ. Ныридæгæн уал дзы раластам 17 уæзласæн машинæйы бырон. Кусджытæ æрмæст уæлмæрды территори нæ сыгъдæг кæнынц, фæлæ ма æхсæдынц къутæртæ æмæ калынц хус бæлæстæ", - радзырдтой управленийы.
Куыстытæ адарддæр уыдзысты къуырийы кæрæттæм.
Хуссар Ирыстоны æрвылаз дæр Куадзæнмæ коммуналон кусджытæ бафснайынц сыгъдæг бынæттæ æмæ уæлмæрдтæ, аласынц сæ дæсгай машинæтæ бырон. Раздæр æзты-иу коммуналон управленийы кусджытæн æххуыс кодтой студенттæ, æфсæддонтæ æмæ инициативон къордтæ.
