10:34 13 СУСÆНЫ МÆЙ
 2020
Комкоммӕ эфир
  • EUR80.27
  • USD71.23
Хуссар Ирыстоны
Чысыл дӕнцӕг
8 0 0

Ног дуӕрттӕ ныридӕгӕн сӕвӕрдтой хӕдзӕртты Тӕболты Сергейы, Нӕузӕххонты ӕмӕ Джабиты Геннадийы уынгыл. Ныртӕккӕ куыстытӕ уагъд цӕуынц Октябры уынгыл

ЦХИНВАЛ, 8 мая - Sputnik, Гӕбӕраты Элина. Хуссар Ирыстоны столицӕйы цӕрӕн-коммуналон хӕдзарады (ЦКХ) кусджытӕ бавнӕлдтой муниципалон хӕдзӕртты подъездты бахизӕн дуӕрттӕ ивынмӕ, фехъусын кодта Sputnik горӕты администрацийы пресс-секретарь Коцты Зӕринӕ.

Коцты Зӕринӕ банысан кодта, куыстытӕ уагъд кӕй цӕудзысты Цхинвалы алы микрорайоны дӕр.

"Подъездты бахизӕн дуӕрттӕ нал бӕззыдысты. Бирӕуӕладзыгон хӕдзӕртты цӕрджытӕ-иу арӕх бадзырдтой горӕты администрацимӕ, цӕмӕй сын баххуыс кӕной аскъуыддзаг кӕнын ацы фарст", - загъта пресс-секретарь.

Уый банысан кодта, ӕфсӕйнаг дуӕрттӕ ныридӕгӕн кӕй сӕвӕрдтой Тӕболты Сергей, Нӕузӕххонты ӕмӕ Джабиты Геннадийы уынгыл.

"Ныртӕккӕ коммуналон службӕты кусджытӕ кусынц Октябры уынгыл. Дуӕрттӕ ӕввахс рӕстӕджы раивдзысты Джиоты Аланы проспект ӕмӕ Хъайтарты уынгыл хӕдзӕртты", - бахахх кодта пресс-секретарь.

Коцты Зӕринӕ бафтыдта, зӕгъгӕ, ахӕм куыстытӕ дарддӕр дӕр уадздзысты, уымӕн ӕмӕ столицӕйы администрацимӕ цӕуынц бирӕ куырдиӕттӕ горӕты цӕрджытӕй.

Горӕты администраци цалцӕг кӕны подъездтӕ. Подъездты хӕрзарӕзтадмӕ коммуналон службӕтӕ бавнӕлдтой 2018 азы. Куыстытӕ адарддӕр сты 2019 азы дӕр.

Сӕйраг темӕтӕ